Загрузка...Олунньу 13 күнүгэр Алампа аатынан оскуолаҕа Тыл нэдиэлэтин иитигэр сонун күрэхтэһии буолла. «Туллукчаан» оҕо библиотеката, оскуола библиотеката, саха тылын учууталларын МХ «Төрөөбүт тылым- мин баайым» диэн тыл оонньуутун 6-8 кылаастарга тэрийдилэр. Оонньуу Эдуард Карлович Пекарскай тылдьыта бэчээттэммитэ 125 сылыгар ананна. Кылаастартан 3-түү үөрэнээччи хамаанда тэринэн күрэстэстилэр. Алта түһүмэхтээх оонньууга 25 ыйытыыга хоруйдаатылар. Өс хоһоонун билии, таабырын таайыыта, тыл суолтатын быһаарыы курдук уустук үлэлэри толордулар.
Алтыс кылаастарга:
I миэстэ: 6б кылаас хамаандата
II миэстэ: 6г кылаас хамаандата
Сэттис кылаастарга:
I миэстэ: 7в кылаас хамаандата
II миэстэ: 7б кылаас хамаандата
III миэстэ: 7а кылаас хамаандата
Ахсыс кылаастарга:
I миэстэ: 8 физмат кылаас хамаандата
II миэстэ: 8 гум кылаас хамаандата
III миэстэ: 8 с/э кылаас хамаандата
Оонньуу хаамыыта, түмүгэ сахалыы саҥа, сахалыы кэпсэтии, сахалыы ааҕыы кыччаан, мөлтөөн иһэрин көрдөрдө. Бу оҕо буруйа буолбатах. Олох хаамыыта, саҥа технологиялар олохпутугар киирэннэр «сайдыыбыт» хомолтолоох чахчыта буолан эрэрин бэлиэтэ. Төрүт дьарыктар: сүөһү иитиитэ. булт, балыктааһын- күннээҕи олохтон туораан, сүтэн иһиилэрэ тылы умнууга, тыл саппааһын дьадатыыга тиэрдэрэ арылхайдык көһүннэ.