1 Звезда2 Звезды3 Звезды4 Звезды5 Звезд (Пока оценок нет)
Загрузка...
269 просмотров

1971

Күн күбэй ийэм

Мин ийэм Матрена Дмитриевна Чехченнонова сэрии кэмигэр 1941 сыллаахха төрөппүттэрэ Таатта Тыараһатыттан «От сии» диэн Томпо улууһун Охотскай Перевоз бөһ.үлэлии барбыттарыгар төрөөбүт. Сут кэмигэр астара барыта нуорма эбит.

Оҕо эрдэҕиттэн сүөһүгэ сыстаҕас буолан, бастаан бороон көрөн, онтон 30 тахса сыл доярканан  кыһыннары, сайыннары биир өрөбүлэ суох сайынын сайылыкка, кыһынын фермаҕа күүстээх үлэҕэ үлэлээбитэ.

Соц күрэхтэһиилэргэ элбэх үүтү ыан миэстэлэһэрэ. Онон мин сайылыкка оҕо сааһым ааспыта. Ийэбэр көмөлөһөрүм. Ийэм чиэһинэй судургу майгытынан бииргэ үлэлиир дьонугар биһирэнэрэ.

Кэлин пенсияҕа тахсан баран кэтэх сүөһүтүн сааһырыар дылы көрбүтэ.

Ийэм сүрдээх асчыт «Көбүөрдээх лэппиэскини», «Былаастаах алаадьыны» ордук табыллан  астааччы. Муударай сүбэтинэн, амарах  эйэҕэс майгытынан куппутун тутар.

Ийэм миигин иитэн, үөрэттэрэн киһи оҥорбутугар махталлаахпын.

Икки уол сиэн оҕолорун ньээҥкэлэһэн «Эбээ»  диэн минньигэстик ыҥыралларыттан үөрэн дьоллонон 81 сааһыгар этэҥҥэ олорор.  Ийэбин кырдьар сааһыгар сылаастык сымнаҕастык көрөн истэн иитиллибит ытык иэспин толоробун. Эбээбит этэҥҥэ ыалдьыбакка өссө да үйэтэ уһууругар кыһаллабыт.

Суруйда кыыһа Слепцова Матрена Дм.Кыйы. 2022 с.