1 Звезда2 Звезды3 Звезды4 Звезды5 Звезд (1 оценок, среднее: 5,00 из 5)
Загрузка...
658 просмотров

С.Ойунская

Сардаана
Ойуунускайа
Биһиги аҕабыт

Аҕам тыыннааҕар (30 — с сылларга) биһиги олорбут дьиэбит билигин музей — квартира буолан турар. Аҕабыт хоһо кини саҥардыыҥыта тахсан барбытын санатардыы хомуллубут. Аан аһылыннаҕына, кини киирэн кэлиэх курдук… Мин улаханнык долгуйан туран аҕам кириэһилэтин көрөбүн уонна оҕо сааһым үтүө күннэрин санаан кэлэбин…

Кэтэһиилээх аан

Аҕабыт үлэлиир. Биһиги, үс аҕас — балыстыылар, аҕабыт хоһун ааныгар уочаратынан «манабылга» турабыт. Кини хаһан үлэлээн бүтэрин кэтэһэбит… тиһэҕэр, тулуйбакка, ситэ сабыллыбатах аан хайаҕаһынан одуулаһабыт: аллара — мин, ортоку — Лаана, оттон үөһэ — Муся. Эдьиийдэрим миэхэ саба түһэннэр, охтоммун, мин хаһыы бөҕөтүн түһэрэбин. Кэтэһиилээх аан тэлэччи аһыллар. Ураа! Биһиги аҕабыт хоһугар баар буолабыт.

Аҕабыт «фу- фу» оҥорор

— Аҕаа, биһиэхэ «фу- фу» оҥор эрэ! — эдьиийдэрим көрдөһөллөр. Биһиги кэккэлэһэн турабыт. Аҕабыт хас биирдиибитигэр чугаһыыр, кураанах ытыстарын көрдөрөр, онтон олору «фу- фу»- диэн үрэр. Ол кэмҥэ кураанах ытыһыгар кэмпиэт баар буолар. Биһиги, үөрэммит, өрө чаҕаарыһа түһэбит уонна «аҕаа, өссө!» — диэн көрдөһөбүт.

Аптаах кириэһилэ

Кэмпиэттэрбитин минньигэстик сиэн баран, боччумураммыт, аҕабыт кириэһилэтигэр олоробут: мин — аҕам ньилбэгэр, эдьиийдэрим — кириэһилэ ойоҕосторугар. Аҕабыт, киһи күлүөх курдук, Пушкин остуоруйаларын кэпсээн киирэн барар. Биһиги кириэһилэбит кыргыттар дьиэлэригэр да, буочукаҕа да, хараабылга да, Буян арыытыгар да кубулуйан ылар… Ол иһин аҕабыт кириэһилэтин олус таптыыбыт — аптаах остуоруйалар кириэһилэлэрин!

«Аҕабыт курдук!»

Аҕабыт айар имэҥэ киирбит мүнүүтэлэригэр, илиитин сис туттан баран, аргыыйдык тугу эрэ ботугуруу — ботугуруу эбэтэр иһиирэн ыла — ыла, хоһугар чэпчэкитик хаамыталыыра. Мин, аҕам бары хамсаныыларын, үтүктэрим. Эмиэ иһиирэрим, ол эрээри миэнэ хайдах эрэ «һү — һүү» диэҥҥэ майгынныыра. Ол да буоллар, мин аҕам курдукпунан киэн туттарым. Биһиги бииргэ хоһоон «айарбыт»