1 Звезда2 Звезды3 Звезды4 Звезды5 Звезд (2 оценок, среднее: 5,00 из 5)
Загрузка...
554 просмотров

Урсун

Винокуров Николай Егорович – Урсун, Россия суруйаачыта, поэт , критик,тылбаасчыт, прозаик, редактор, кыраайы үөрэтээччи. П.А.Ойуунускай аатынан литературнай музей салаатын сэбиэдиссэйэ. П.А.Ойуунускай аатынан госбириэмийэ лауреата. СГУ историко- филологическай факультетын, саха тылын уонна литературатын салаатын 1972 сыллаахха бүтэрбит;  тыл , литература уонна история институтун аспирантурата  (1975), политолог (1987)

                Оҕо эрдэхпинэ Иван Гоголев “Хаарчаана” кинигэтэ тахсыбыта. Халлаан күөх таска Хаарчаана сэгэйэн турар  ойуулаах, кинигэ аата кыһылынан суруллубут этэ. Оччолорго өҥнөөх кинигэ курдук көстүбүтэ.  Саҥа дьыллааҕы остуоруйа. Бу оччолорго эдэр, сонун поэт айымньыта 5-с кылаас оҕотугар сюжета дьулурҕатынан, тыла – өһө тупсаҕайынан кэрэхсэппитэ, ыбылы тардан ылбыта. Сүүрдэр- көтүтэр фантазията абылаабыта. Кэлин да кини айар үлэтин сөбүлүүбүн, өрө тутабын. Тус бэйэтин билэбин, сэһэргэһэрбит. Миигин поэзияны дьиҥ өйдүүр, сыаналыыр киһинэн ааҕара.

Улаатар сааспар өйбөр- санаабар, дууһабар улаханнык сабыдыаллаабыт кинигэлэр диэ? Амма Аччыгыйын “Сааскы кэмэ”,  Афанасий Федоров “Айан аартыга”, “Хагдарыйбат лабаалар” кэпсээннэрин кинигэлэрэ ( кини миигин саха тылыгар үөрэппитэ). Арыый кэлин Өксөкүлээх, Алампа, Неустроев айар үлэлэрин, айымньыларын кэрэхсээбитим. Ордук миэхэ Алампа лириката чугаһа. Биир нэһилиэгим киһитэ Николай Неустроев “Сэмэнчик”, “Балыксыт” кэпсээннэрин олус сөбүлүүбүн.  Былатыан Ойуунускай 7 тома тахсыбыта сүҥкэнник сабыдыаллаабыта. Сэмэн Данилов  поэзиятыгар сүгүрүйэбин.

                Билигин саха норуотун түҥ былыргы историятыгар үс кинигэни таһаартардым. Итиниэхэ сыһыаннааҕы барытын кэрэхсиибин.Булан –талан ааҕабын. Ыччат,  оҕо киһи ити теманы эрдэттэн кэрэхсиэхтээх, олоҕун устата үөрэтэн, дьиҥ кырдьыгы таһаарыахтаах.