1 Звезда2 Звезды3 Звезды4 Звезды5 Звезд (1 оценок, среднее: 5,00 из 5)
Загрузка...
423 просмотров

Сэбиэскэй кэм маллара

«Көмүстээх чэй» эбэтэр «Кирпииччэ чэй» диэн ааттаах  хара чэй. «Забаарка» чаанньыгар тоһутан угаллар. Хайаан да оргутуллар, оргуйда да үрдүгэр хаста да оргуйбутунан ууну кутан уһуннук иһиллэр.  Чэй көмүһүн бырахпакка хаһаайкалар ууран кэбиһэллэр: остуол ыскаачарын анныгар, долбуурга… Туһа буолара баһаам буоллаҕа: өйүөҕэ тугу эмэ суулуурга, термос хаппаҕын эрийэргэ… Оннооҕор эмтиир этэ: тиис ыарыытыгар, кутургуйа тахсаары гыннаҕына, уһуннук укуол ылан көп эт хомуоҕурдаҕына чэй көмүһүн саба тутан хоноллоро. Чэй көмүһүн талаана Саҥа дьылга маскараат оҥоруутугар тахсара: бухатыырдар куйахтара, король уонна королева короналара, кокошниктар… быһатын эттэххэ Саҥа дьылы киэргэтэр, абыраллаах «чэй көмүһэ» этэ.

«Салгын араадьыйата» диэн ааттаах  Сэбиэскэй Союз гиимин тыаһынан үлэтин саҕалыыр дьиэ аайы баар тэрил этэ.  Сарсыарда, киэһэ аһылык кэмигэр сүрдээх кылгастык быһыылаах, сахалыы сонуннары, күн- дьыл туругун кэпсиир. Ол кэмҥэ тугу эрэ сэҥээрэн улаханнык айдааран мөҕүллүөххүн сөп. «Пионерская зорька»,  «Пионерскай саһарҕа» диэн оҕо биэриилэрэ бааллара.  «Дорооболоруҥ, оҕолоор, истиҥ пионерскай саһарҕаны»- диэн чуор, чаҕаархай куоластаах кыыс биэриитин саҕалыыра. Кыһыҥҥы тымныыларга үөрэммэт күммүт буолаарай диэн уун быыһынан кыраадыс истэҕин. Барбат сураххын истээт утуйан хаалаҕын.

  15 союзнай республикалары ааҕа билэрбит. 15 бырааттыы омуктар таҥастарын- саптарын, үҥкүүлэрин, ырыаларын- тойуктарын эндэппэппит. Оскуола фестивалларыгар, саҥа дьылга элбэхтэ атын омук оҕолоро буолан таҥнабыт. Арай сахалыы таҥныбат этибит.

   

Кыһыл дьүһүннээх 10 солкуобайы оҕолор биирдэ эмэ харахтыыбыт. Мааман илиитигэр. Оҕо илиитигэр тимир манньыаттар тиксэллэр. 5-тээх харчыны ытыскар хам тутан киинэҕэ бараҕын, икки сериялаах буоллаҕына 10 харчы. Килиэп атыылаһаргар эмиэ бытархай харчылаах бараҕын. Биирдэ эмэ 1 солкуобайы биэриэхтэрин сөп, килиэпкэ эбии туох эмэ атыны  ылларар буоллахтарына.

    

       

Москватааҕы олимпиада диэн үөрүүлээх, өрө көтөҕүллүүлээх телевизорга буолбут бырааһынньык. Олимпиада символа эһэ миисэни уруһуйдаабыт худуоһунньук Виктор Чижиков туһунан оччотооҕу оҕо сурунаалларыгар, хаһыаттарга суруйан, кэпсээн бөҕө. Ол кэнниттэн хас да сыл устата «соҕуруу» барбыт дьон кэһии оҥостон олимпиада сувенирдарын аҕалаллара.

«Балетка» диэн ааттаах кырата бэрт буолан оҕо барыта ымсыырар чымыдаана. 50-с сылларга Сэбиэскэй Союзка «муода»  буола сылдьыбыт эбит.

 «Шифоньер» — хомуот кэнниттэн баар буолбут дьиэ иһинээҕи баар суох мааны мал. Олохтоох промкомбинаттар хото оҥороннор тыа ыала атыылаһан, ыбыс ыарахан, бүтүннүү сылдьар тэрили эр дьон быаланан- туһахтанан көтөҕөн киллэрэн миэстэтин булларар тэриллэрэ. Кэнники лаахтанан ордук маанытык көстөр буолбута.