Загрузка...Дьокуускай куораттааҕы ааҕыы киинэ «Рисую любимую книжку» диэн оҕону айар үлэ нөҥүө ааҕыыга сыһыарар аналлаах куонкуруһу тэрийэн ыытта. Барыта 153 үлэ киирбитин саастарынан үс бөлөххө үллэрэн түмүк таһаардылар. 1-4 кылаастарга Ытык Күөл 2 оскуолатын 4а кылааһын үөрэнээччитэ Антипин Арылхан маҥнайгы миэстэни ылла.
Арылхан Улуу Ойуунускай үбүлүөйдээх сылын көрсө норуот номоҕор олоҕуран суруллубут «Кээрэкээн» айымньыга 5 улахан үлэни 2022 сылтан саҕалаан оҥордо, учуутала Билюкина С.К. Бу үлэ «Иллюстратор оҕолор» диэн «Туллукчаан» оҕо библиотеката уонна искусство оскуолатын уруһуй кылааһын уопсай бырайыактарын чэрчитинэн саҕаламмыта. Арылхан уруһуйдара «Кээрэкээн» диэн аудиокинигэни киэргэппиттэрэ. Аудиокинигэни Ытык Күөл 1 оскуолатын 5в кылааһын үөрэнээччитэ Федоров Максим аахпыта.
Бүтүн өрөспүүбүлүкэтээҕи куонкуруска Арылхан «Кээрэкээн Тохтобулга кэлиитэ» уруһуйа кыайан уруһуйдьут уол «Сосновый бор» лааҕырга сынньана барар сертификаты тутта.
