(2 оценок, среднее: 4,50 из 5)
Загрузка...Россияҕа биллэриллибит Дьиэ кэргэн сылын чэрчитинэн
“Мин киэн туттар үлэһит дьонум!”
гражданскай акция
“Үлэ – үөрүү, үлэ- дьол
Үлэ – үүнэр, сайдар суол!
Эллэй
Ыытааччы: “Туллукчаан” оҕо библиотеката ыам ыйын 1 күнүн, маай- эйэ- үлэ бырааһынньыгын көрсө гражданскай акция бастакы таһаарыытыгар матырыйаал хомуйуутун саҕалыыр.
Акция ыытыллар төрүөтэ: оҕо кыра эрдэҕиттэн үлэни убаастыы, аанньа ахта үөрэниэхтээх. Үлэни аанньа ахтыбат – киһини аанньа ахтыбат буолууга тиэрдэр. Ханнык баҕарар үлэ- олоҕу сайыннарар, олоҕу тупсарар айылҕалаах. Кистэл буолбатах, оҕолорбут барахсаттар хос эбэ, эһэ туһунан буолуохтааҕар эбэ, эһэ үлэлии сылдьыбыттара буолуо да дии санаабат түбэлтэлэрэ бааллар. Чугас дьонун үлэтин- хамнаһын туһунан кыратыттан билэ улаатыы туһааннаах кэмҥэ идэни сөпкө талыыга тиэрдэр.
Акция ис хоһооно: Таатта улууһун оскуолаларын үөрэнээччилэрэ хос эбэ, хос эһэ, эбэ, эһэ ханна үлэлээбиттэрин туһунан суруйаллар.
Ирдэбиллэр: Үлэ Power Point биир страницатыгар суруллар. Хаҥас өттүгэр хаартыска угуллара биһирэнэр. Сырдатыы “Мин эбэм… хос эһэм…” диэн тылларынан саҕаланар. Сырдатыллааччы толору аата, ханна олорон, хас сылларга, тугу үлэлээбитэ киэҥник, чопчу суруллар. Саамай аллараа икки строканан Оҕо аата, араспаанньата, оскуолата, кылааһа ыйыллар.
Ыытыллар кэмэ: үлэлэри муус устар 28 күнүгэр дылы detbibltullukchaan@yandex.ru аадырыска МААЙ диэн бэлиэлээх ыытаргытын күүтэбит.
Түмүк: үлэлэр библиотека сайтыгар “Мин киэн туттар үлэһит дьонум!” галерея бастакы таһаарыытыгар киирэн, ыам ыйын 1 күнүгэр тарҕаныаҕа. Гражданскай акцияҕа кыттыбыты туоһулуур суруктар электроннай почтаҕа ыытыллыахтара.
Акция сайдар кэскилэ:
- Сылга иккитэ- ыам ыйын 1күнүгэр, сэтинньи 4 күнүгэр галереяны хаҥатыы.
- Дьиэ кэргэн историятын үөрэтиини көҕүлээһин
- Араас тэрилтэлэргэ араас кэмнэргэ үлэлээбит дьон туһунан матырыйаалы хомуйуу.
- Улуус үлэһит үтүө дьонунан киэн туттууну үөскэтии.