Загрузка...
Хас биирдии Сир планета олохтооҕо эйэлээх олоххо баҕарарын; Сиргэ атааннаһыы суох буолуон; оҕону- дьахтары атаҕастааһын — сиэрэ суох быһыы буоларын; эрэллээх доҕор — онтон да элбэх туһунан суруйан хаалларбыт эбит Дагестан народнай поэта Расул Гамзатов.
Алампа аатынан оскуола 7-с кылаастарын үөрэнээччилэрэ омук омуктан туоҕунан уратылаһарын; Сир үрдүгэр олорор атын — атын омуктар туох биирдээхтэрин; Сир дьонун туох түмэрин туһунан Расул Гамзатов хоһооннорун ааҕан, истэн баран кэпсэттилэр.
Саамай биллэр «Журавли» ырыа айыллыбыт историятын, сахалыы тылбаастарын туһунан иһиттилэр.
Учууталлара Т.А.Хатылыкова кинилэр оскуолаларын учуутала Белина А.В. ССРС Верховнай Советын депутата буолан үлэлии сылдьан Расул Гамзатовтыын кэпсэтэ турар бииргэ түспүт хаартыскалара баарын туһунан кэпсээтэ.
Социалистическай Үлэ Геройа, поэт Расул Гамзатов балаҕан ыйын 8 күнүгэр төрөөбүтэ 100 сыла буолла.