Количество просмотров 277
1 Звезда2 Звезды3 Звезды4 Звезды5 Звезд (Пока оценок нет)
Загрузка...

Репрессия сиэртибэлэрин кэриэстиибит

Автор: | 10 ноября, 2020

Таатта Саха сирин тыа улуустарыттан репрессияҕа саамай элбэх сиэртибэни көрсүбүт улус буолар. Бу сойуолаһыы 1920 сыллаахтан “Оросин саагыбара” диэн дьыалаттан саҕаламмыта. Роман Иванович Оросин диэн Тааттаттан төрүттээх саха бастыҥ, тумус туттар киһитин этэрээт тэриннэ, байыаннай устаап оҥостубут, “Саха сирэ- сахаларга” диэн луоһунунан сирдэтэн, туспа судаарыстыба тэрийэргэ санаммыт, ол туһуттан японецтары кытта сибээстэспит диэн балыйбыттара.

Тааттатааҕа “Туллукчаан” оҕо библиотеката уонна Алампа аатынан Ытык күөл 1 оскуолата “Возвращение имен” диэн аан дойдутааҕы гражданскай акцияҕа иккис сылын кытынна.  Бу акция алтынньы 30 күнүгэр политическай репрессиялар сиэртибэлэрин кэриэстиир күҥҥэ ыытыллар. Быйыл акция Россияҕа 13-с төгүлүн ыытылынна. Пандемия күһэйэн онлайн ыытылынна.

Ааҕыы буолар сирэ репрессияны кытта сибээстээх буолуохтаах. Ол иһин памятниктар, маассабай ытыылар о.д.а. бэлиэ сирдэри талан оҥороллор.

Саха литературатын төрүттээччилэртэн биирдэстэрэ А.И.Софронов – Алампа репрессияҕа түбэһэн республика тас өттүгэр сыылкаҕа сылдьыбыта. Ол иһин бу акция былырыын кини  аатын сүгэр оскуолаҕа ыыппыппыт.

Иккис сылын оскуола оҕолоро сэбиэскэй былаас кэмигэр буруйа суох репрессияҕа түбэспит 218 биир дойдулаахтарбыт ааттарын доргуччу кэриэстээн ааттаатылар.

Аан бастакы тутуу- хабыы, Улуу поэт Алампа дууһатын уолуппута. Онтон ыла уонунан сыллар устата дууһатын кыланыыта хоһоон буолан сурукка тиһиллибитэ. Декада устата инстаграм страница нөҥүө Алампа хоһооннорунан доҕуһуоллаан репрессия туһунан кэпсээтибит. “Алампа дьылҕатыгар репрессия ыар тыына” динэ  13 уруогу ZOOM нөҥүө ыыттыбыт.

Репрессия сылларыгар Саха сирин территориятыгар үлэлээбит  105 концлааҕырдарга сору- муҥу көрбүт дьонтон хас биирдиилэрэ маннык эппиттэрэ, санаабыттара буолуо диэн Алампа тылларынан  түмүктүүбүт.

Көҥүлү күүһүлүүр

Босхону бобор

Аан дайды айылгытыгар

Алыс алдьархай…

Мин көҥүлбүн

Олох оҥорбута.

Ону быһа тутан былдьыыр,

Саба баттаан самнарар

Баламат баттал.

 

Оҕо дойдутун историятын үтүө да мөкү да страницаларын билиэхтээх.

Добавить комментарий

Ваш адрес email не будет опубликован.