Количество просмотров 657
1 Звезда2 Звезды3 Звезды4 Звезды5 Звезд (Пока оценок нет)
Загрузка...

1972

Кырабыттан үлэлээбитим

Иккис кылаастан сайыҥҥы үлэ лааҕырдарыгар оскуоланы бүтэриэхпэр диэри сылдьыбытым. Бастаан пришкольнай учаастакка сибэккигэ уу кутарбыт. Иккис сылбар эмтээх оту хомуйбуппут. Отон угун аптекаҕа туттарар этибит. 4 с кылаас кэнниттэн Таатта совхоз теплицатыгар үлэлээбитим. Бастакы сылларга помидор, моркуоп, сүбүөкүлэ көрөр этибит. Арыый улаатан баран теплица иһигэр үлэлээбитим. Түөрт кирээдэ оҕурсуну анаабыттара. Улааппыт оҕурсуларбын быһан туттарар этибит. Теплица оҕурсулара маҕаһыынна туттараллара. Онон онно бастакы хамнаспын ылбытым.Уопсайа 4 лааҕырга үлэлээбитим. Аҥардас теплицаҕа түөрт сыл.Бастаан сибэккилэргэ уу кутар этибит, отон угун үргүүрбүт. Кэлин теплицаҕа оҕуруот аһын көрөрбүт. Теплицаҕа үлэлээн бастакы хамнаспын ылбытым. Сөбүлээн, бииргэ үөрэнэр кыргыттарбын кытта сылдьар этим. Сарсыарда 10 ч киэһэ 4 ч дылы. 12 >2 ч дылы эбиэт, оонньуур этибит. Кылааһым оҕолорун кытта сылдьарым, оонньуурум. Үлэ киһини киэргэтэр, сайыннарар, өйдөөх оҥорор.Олохпор лто туһалаан буоллаҕа. Оҕурсуну оччолортон көрөн билэбин, олордобун. Сэттэ сыл тохтоло үлэлээбитим. Светлана. 1972.

 

Ытык Күөл ууга барбыта

1980 сыллаахха Ытык Күөл ууга барбыта.Ону өйдөөн бөҕө буоллаҕа. Мин онно 1 кылааска үөрэнэр этим. Иэдээн этээ… Саатар ийэм ол кэмнэргэ командировкаҕа баран хаалбыт кэмэ этэ. Эбээбинээн киэһэ аайы тахсан:
— Туоратын эриэ,- диэн тыылаах дьоҥҥо хаһыытыыр этибит. Тула өттүбүт барыта уу, оскуолаҕа кыайан барбатаҕым. Онтон хата ийэм кэлбитэ. Хомунан дом пионеров барбыппыт. Алаас уулуссалартан элбэх буолан мустубут этибит. Хата кимнээҕэр эйэлээхтик оонньообуппут. Уһун – уһун остуолга тула олорон аһыырбыт. Килиэби вертолет аҕалар этэ. Мин уунан наһаа оонньоон ыалдьан балыыһаҕа киирбитим. Өр сыттым быһыылаах. Балыыһаттан тахсыбытым уу түспүт этэ. Дьиэбит, сээкэйбит бүтүннүү ууга баран эрэйи көрбүппүт. Ол кыһыны быһа оһохпут дэлби буруолаан эрэйдээбитэ. Сииктэн оннук буолуо. Туох көмө игин оҥоһуллубутун өйдөөбөппүн. Оскуолаҕа барар муостам барыта бөх- сах буолбут этэ. Саамай өйдөөн хаалбытым: дом пионеров олорон оҕолор наһаа иллээхтик оонньообуппут.
Мин дьиэм Ытык Күөлгэ Пушкина 11 баара. Билигин баара дуу суоҕа дуу- билбэппин. Билигин атын улууска кийииппин.
Левина М.

Добавить комментарий

Ваш адрес email не будет опубликован.