Количество просмотров 200
1 Звезда2 Звезды3 Звезды4 Звезды5 Звезд (Пока оценок нет)
Загрузка...

1970

Үтүлүк иһигэр саппыыска

И.В.
Малокомплектнай оскуола буоламмыт, 6-с, 7-с, 8-с оҕолоро бары бииргэ сылдьабыт. Аҕыйах оҕо буоллахпыт дии. Биирдэ интэриэһиргээн буолуо арыгы иһээри сүбэлэстибит. Биир кыыс булуох буолбута. Ону хайдах дьиэтиттэн ылбытын билбэтэхпит. Баҕар уорбута буолуо… Водка этэ. Хата ким да билбэккэ хаалла. Хата ким да туох да буолбатах…Походтуу дэриэбинэттэн 7 км сиргэ барабыт. Сатыы. Өрүстээх сиргэ. 7-с, 8-с кылааска уже улахан дьон курдук сананабыт.
Саамай моднай ырыалар: «Тохтообокко ардах түһэр»- диэн уонна «Эн биһикки иккиэбит, дьоро киэһэҕэ чуумпуга» – диэннэри ыллыыбыт. Песенник оҥостобут. Ырыа суруйабыт, саамай хит ырыалары, пожелание суруйабыт. Кылааһын оҕолоругар, чугас доҕотторгор барыларыгар биэрэн суруттараҕын.
Уолаттар улахан кылааска сылдьан соҥҥор үтүлүгүн иһигэр записка угаллар. »Мин эйигин таптыыбын» да диэн буолар. »Эн биһини доҕордоһуох да» да диэн буолар. Өрүс биэрэгэр көрсөбүт. Соҕотохтуу киирбэккин. Подругаҕын кытта бараҕын. Кини табаарыһын кытта буолар. Өрүспүтүн үрэх диэн ааттыыбыт. Биэрэккэ көрсөн мэниктиибит. 7-с, 8-с кылаастарбыт. Уол кыыһы сөбүлээбитин дьээбэлиириттэн билэбит. Уонна саппыыска ыытар. Киэһэ аайы оскуолаҕа секцияҕа тиийэн көрсөбүт.
Учуутала суох саас, күһүн походтуур идэлээх этибит. Хонордуу сатыы барабыт. Ынырык үчүгэйдик сылдьан кэлэбит. Хаартыскаҕа түһэн, бэйэбит бэчээттээн… Уолаттар воздушкалаахтар, сыал ытабыт. Бырааппын кытта биир сыл разницалаахпыт, онон бииргэ сылдьабыт. Биир барыыга найылаһаммыт өйүөбүт дьиэбитигэр хаалан хаалбыт. Ол курдук дьиэҕэ рюкзакпыт олорон хаалбыт.
8- нан бүтэн барар буоламмыт, 9-с, 10-с кылааска каникулга кэллэхпитинэ кулуупка таансыга ыччат курдук сылдьабыт. Мечтайдыыр этибит: наһаа үчүгэй цветомузыка оҥорбут киһи диэн. Биир эрэ уоттаахпыт, күлүмнүүр.

 

Ленинградтан оонньуурдар 

Мария Афанасьевна
Бииргэ төрөөбүт 9-бут. Детсадка сылдьыбатаҕым, бүтэрэр эрэ сылларыгар кыратык сылдьыбытым. Куукуланан оонньуубун. 10- тан тахса куукулалаахпын, куукула сервизтээх, кухоннайдаах этим. Убайбар луноход, хоккей оонньуурдаах этэ. Эдьиийбит подругата оччотооҕуга Ленинградка үөрэнэр этэ. Кини араас үчүгэй оонньууру ыытар этэ: морской бой, массыыналары, дистанционнай трактор, ол тимир луноходу игин. Уонна оонньууру , ол- бу настольнай оонньуулары почтаҕа каталогунан сакаастаан ылар этибит. Киэһэ аайы дьиэбитигэр дуобаттыыбыт, тыксаанныыбыт. Тыксааны, хабылыгы убайбыт бэйэтэ оҥорор этэ. Муннук былдьаһыыта диэни оонньуур этибит.
Оскуолаҕа киирбит күммүн наһаа өйдүүбүн, тоҕо диэтэр кып- кыһыл мак букеттаах этим. Иккис кылааска үөрэнэ сырыттахпына, ол аата 1977 сыллаахха телевизор кэлбитэ.
Оскуола Саҥа Дьылыгар альбом лииһинэн пакет, онно открытка сыһыаран илдьэр этибит, подарокка. Саҥа дьылга наар ыалдьар этим. Дьонум, эдьиийдэрим бары кулуупка бараллар. Онтон кэллэхтэринэ дьиэбитигэр бырааһынньыктыыр этибит. Дьоммут биһигини төрүт буойбаттар- хаайбаттар этэ. Оскуола остолобуойугар итии аһылык диэн баара, харчыга атыылаһан аһыыр этибит.
Үөрэх дьыла бүтүүтэ оскуолаҕа хайаан да ыһыах буолар этэ. Сахалыы таҥнар этибит. Сайын наар фермаҕа үлэлээбитим. Үс сыл доярканан, сайыны быһа. Оҕолор “Эбэ» лааҕырга оттууллар этэ.
Эйэ туһугар диэн подпись бөҕө хомуйан. Саманта Смит миитинэ буолар этэ. Мин Суорун Омоллоон «Чүөчээскитин» уонна Гайдар «Чук и Гек» наһаа таптаан ааҕар этим.
Төрөөбүт күммүн иккитэ эрэ ылбытым: 9-с кылааска кыргыттары кытта уонна 18 сааспын фермаҕа үлэлии сылдьан.

Добавить комментарий

Ваш адрес email не будет опубликован.