Количество просмотров 152
1 Звезда2 Звезды3 Звезды4 Звезды5 Звезд (Пока оценок нет)
Загрузка...

1954

Кыһыл бачыыҥка

Изабелла
Бииргэ төрөөбүт 2-бит, кырабытыттан дьоммутугар көмөлөһөн үлэни барытын үлэлиир этибит: ньирэй хомуйуу, уу баһыы, оттооһун, дьиэ ис- тас үлэтэ. Олбуор оҕолоро бары эккирэтиһэ, сасыһа , былаах былдьаһа оонньуур этибит. Сайынын сөтүөлүүбүт. Убайым миигиттэн 10 сыл аҕа буолан дьиэбэр соҕотох оҕо курдугум. Онон оонньуур арааһа баар миэхэ: куукула, эрэһиинэ мээчик, чыыбыргыыр оонньуурдар, кинигэ, кумааҕы куукула.
Оскуолаҕа киирбит күммүн өйдөөн бөҕө: бастакы кылааска форма суоҕа, маамам тикпит таҥаһынан барбытым. Сибэкки эҥин суох. Бырааһынньыктарга маҥан паартык, мээнэҕэ хара паартык кэтэрбит.
2-с кылааска барарабар куораттан кыһыл бачыыҥка кэллэ. Сайыны быһа кэтэн элэтэр буолла диэн ол айдаана. Киэһэ аайы кэтэн кэбиһэбин. Уонна кыһыл капрон лента бэлэхтээбиттэрэ. Плюш ойуулаах этэ төгүгүк- төгүрүк.
Оскуола Саҥа дьылыгар маскараат диэн биир эмэ буолара. Кылааһы киэргэтэбит. Дед Моруос, Снегурочка бааллара. Подарок биэрэллэрин өйдөөбөппүн. Оскуола туспа ыһыахтаабат. Нэһилиэк ыһыаҕар аҕыйах киһи мустан олорон эт сииллэрэ, кыра күрэхтэһии буолара.
Нэдиэлэҕэ биирдэ киинэҕэ сылдьабыт, оҕолорго аналлаах сеанс. Дьэ онно жетон көрдөрө- көрдөрө киирэҕин. Жетон бэрээдэктээх эрэ оҕолорго бэриллэр.
9-с кылааһы бүтэрэн баран үчүгэй үөрэнээччи буоламмын путевканан Москваҕа баран кэлбитим.

Добавить комментарий

Ваш адрес email не будет опубликован.