Количество просмотров 101
1 Звезда2 Звезды3 Звезды4 Звезды5 Звезд (Пока оценок нет)
Загрузка...

“Маарка” оонньуу

МААРКА оонньуу

                Икки линия тардыллар: охсор сир уонна мээчиги охсубут киһи тиийээт төннөр линията. Оҕолор бары мээчик охсорго тураллар. Биир мээчик оҕустарааччы. Оҕо бэриллибит мээчиги охсоот да куотар. Линияны туораат да төттөрү охсубут сиригэр сүүрэн кэлиэхтээх. Ол кэмҥэ мээчиги оҕустарбыт киһи мээчигин ситэн ылан охсубут киһини быраҕан табыахтаах. Таптаҕына, мээчиги оҕустарааччы таптарбыт киһи буолар. Оннук бара турар. Элбэх сүүрүүлээх сылаалаах оонньуу этэ.

(Савватеева Г.И.)

Бу оонньууну Чурапчы Сылаҥыгар “Удаардаах” диэн ааттыыр этибит. Мээчиги оҕустарааччы “Килээйдьит” диэн ааттаах. Килээйдьит таппыт киһитэ “өлөр”, табыллыбыт сиригэр турар. Оччоҕо атын “охсооччу” мээчигин ол киһи диэки охсо сатыыр, “өлөн” турааччы мээчиги сиргэ түһэрбэккэ эрэ хаптаҕына “тиллэр”. Хас да  “өлбүт” баар буоллаҕына мээчиги сиргэ түһэрбэккэ эрэ бэйэ- бэйэлэригэр быраҕан хаптахтарына “тиллэллэр”. Оонньооччу элбэх буоллаҕына икки “килээйдьит” баар буолар. Биирэ сүүрэр хонууга туран мээчиги ыла охсон бултаһар.

(Монастырева А.Е.)

Добавить комментарий

Ваш адрес email не будет опубликован.