Количество просмотров 323
1 Звезда2 Звезды3 Звезды4 Звезды5 Звезд (3 оценок, среднее: 3,67 из 5)
Загрузка...

Саха народнай суруйааччыта Д.К. Сивцев – Суорун Омоллоон

Саха народнай суруйааччыта Д.К. Сивцев - Суорун Омоллоон

АЛГЫС

Төрөөбүт норуоппар

Саргы-дьаалы салалыннын,

Өрөгөй-талаан үрдээтин!

Амарах айыы санаалаах

Айыҥат хаан аймахтара

Биһиги буолабыт эбээт –

Орто дойду улуустара,

Омук-омук удьуордара,

Айар-сайар дьоллоох дьоно!

Аламай күн сардаҥата,

Сир-ийэ өлгөм илгэтэ,

Самаан сайын сайыыта,

Таптыыр сүрэх сылама,

Иллээх олох үөрүүтэ –

Биһиэнэ эбээт барыта!

Киһи аймах, эн кэхтимэ,

Өлбөт чөл өйгүн булунууй,

Кэс Тыл кэриэһин кэһимэ,

Кэлэр кэскилгэ дьулуһууй.

Өрүһүн, үөр, өрө мэндэй,

Үөһээ күөрэй, үрдээ, үрдээ!

Ааспат алгыс, уһун тускул!

Айхал-мичил! Айхал, айхал!

                                     

Д.К. Сивцев – Суорун Омоллоон, 2004 с.