Ойуунускай: викторина-оонньуу

«Аата ааттанар, ырыата ылланар»
(П.А.Ойуунускай олоҕор, оҕолорго айымньыларыгар аналлаах оонньуу)

Тэрээһин: Оонньуу индивидуальнай кыайыылааҕы таһаарар эбэтэр кылааска ыытыллар буоллаҕына кыра- кыра хамаандаларга араарыахха сөп. Оччотугар хамаандаҕа биир комплект открытка бэриллэр, сүбэлэһэн баран көрдөрөллөр.
Наада буолаллар: 1)Хас биирдии оҕоҕо, хамаандаҕа үс өҥнөөх карточка
2)Биир очко суруйар киһи
3)Биир ыытааччы
Оонньуу хаамыыта: Түөрт түһүмэҕинэн ыытыллар.

I түһүмэх Ойуунускай олоҕор ананар, 17 ыйытыктаах.
Ыытааччы ыйытыыны биэрээт икки хоруйу этэр, биирэ сөп. Оҕолор сөптөөх хоруйу карточканан көрдөрөллөр. Сыыһа хоруйдаабыттар очко ылбаттар. Онон бу түһүмэххэ 17 баалы ылыахха сөп.
Түмүккэ 7 баалтан аллараа бааллаахтар туорууллар, салгыы оонньооботтор.
II түһүмэх — айымньыларынан, 7 ыйытык бэриллэр. Үс бэлэм эппиэттэн биири талан эппиэттииллэр. Иккис түһүмэх түмүгэр 15 баалтан аллараа бааллаахтар туорууллар.
III түһүмэх. Бу сырыыга илиилэрин уунан, ким урутаабыт хоруйдуур. 9 ыйытык бэриллэр.
Үс түһүмэх түмүгэр 30 баалтан аҕыйах бааллаахтар туорууллар.
IV түһүмэх— түмүктүүр оонньуу, 2 баал сыаналаах, хоруй суругунан бэриллэр.
Быһаарыы: үһүс түһүмэх 8,9 ыйытыктара бэриллимиэхтэрин сөп, улахан кылаастар билэр айымньылара. Ол эрээри Ойуунускай айымньыларын бастыҥ билээччини талар оонньуу буоларынан ааҕалларын эрдэттэн хааччйыахха сөп.
Барыта 35 очко оонньонор.

Iтүһүмэх.
1. Ойуунускай ийэтин аата?
+ Евдокия Ивановна
— Евдокия Николаевна
2. Ойуунускай аҕатын аата?
— Дэлиһиэй
+Хоочугур Өлөксөй
3. Ойуунускай дьиҥнээх араспаанньата
— Сивцев
+ Слепцов
4. Ойуунускай төрөөбүт алааһа
+ Дэлбэрийбит
— Долборуктаах
5. Ойуунускай дьонун сайылыктара
— Тимир Умайбыт
+ Тохтобул
6. Ойуунускай хас саастааҕар оскуолаҕа үөрэнэ киирбитэй?
+14
— 7
7. Былатыан ханна оскуолаҕа үөрэммитэй?
— Чурапчыга
+ Чөркөөххө
8. Былатыан куоракка ханна үөрэммитэй?
+Учительскай семинария
— Реальнай училище
9. Ойуунускай саамай чугас доҕоро
— Исидор Барахов
+ Максим Аммосов
10. Максим Аммосов хайа дойду киһитэй?
— Амма
+ Нам
11. Ойуунускай кыргыттарын ийэлэрин аата?
+ Акулина
— Татыйаана
12. Ойуунускай кыргыттарын аата?
— Сахаайа, Сандаара
+ Саргылаана, Сардаана
13. Ойуунускай аспирантураҕа ханнык куоракка үөрэммитэй?
+ Москва
— Томск
14. Платон Ойуунускайы саха норуота бэйэтин итэҕэлин, тапталын биллэрэн туох дуоһунаска талбытай?
— Коммунистическай партия республикатааҕы комитетын бастакы секретара
+ ССРС Верховнай Советын депутатынан
15. Ойуунускай аатынан литературнай музей ханна баарый?
— Чөркөөххө
+ Дьокуускайга
16. Платон Ойуунускай аатын ханнык государственнай театр сүгэрий?
+ Саха Драматын театра
— Опера уонна балет театра
17. П.А. Ойуунускай аатынан Государственнай премия хас сыллаахха олохтоммутай?
— 1983
+ 1966
II түһүмэх.
1. Ханнык күөлгэ оҕо куйуурдуу турбутай?
— Тохтобул
+ Халамнаайы
— Дэлбэрийбит
2. «Мөккүөр» остуоруйаҕа буолбут улуу мунньах ханна буолбутай?
+ Даайа -Амма
— Чычымах
— Чымнаайы
3. «Оҕо куйуурдуу турара» кэпсээн геройа ханна бараары балыктыы турарый?
— күрэхтэһэ
— бултуу
+ үөрэнэ
4. «Бултаах сиргэ» түбэспит булчут аата
— Байанайдаах Баһылай
+ Дьоллоох Сэмэн
— Балыксыт Былатыан
5. «Сүрэх» кэпсээн геройа Мэхээчэ хайдах өлбүтэй?
— бандьыыт суутунан ытыллыбыта
— Дьааҥы хайаларын туораары ата сууллубута
+ тоһуурга түбэһэн геройдуу охтубута
6. Улуу Кудаҥса олорбут сирэ ханныгый?
— Улуу Сыһыы
— Киэҥ Эбэ
+ Майы Баалы
7. «Дьулуруйар Ньургун Боотур» олоҥхо хас олоҥхоттон талыллан оҥоһуллубутай?
+30
-40
-3
III түһүмэх.
1. «Тураах тууһута» кэпсээҥҥэ Иһиччит Байаҕантай төһө элбэх собону туттарбытай?
(биири да туппатаҕа, туута илдьи сытыйан, элбэх балыгы уйбатаҕа)
2. «Омуннаах оҕо» тугу туппутай? (хаас)
3. Хааһын тугунан бултаабытай? (тиргэнэн)
4. «Үчүгэй түҥэтик» кэпсээҥҥэ хаһааҥҥы хааһы үллэстибиттэрэй?
(маҥнайгы хааһы)
5. «Мөккүөр» остуоруйаҕа көтөрдөр кими тойон оҥостубуттарай?
(хотой)
6. Ойуунускай олоҥхотун саамай сүрүн геройа кимий?
(Ньургун Боотур)
7. «Өйдөөх оҕону» аҕата хайдах үөрэппитэй? (таһыйбыта)
8. Улуу Кудаҥса бар дьонун имири сото сыспыт үөһээ дойду өлүүтэ диэн ааттаммыт күүстээх дьаҥы тохтотоору туох дьаһалы ылыммытай?
(уоллаах кыыһын Улуутуйар улуу Суоруҥҥа күтүөт, кийиит биэрбитэ(абааһыларга))
9. Илбиргэстээх илин- кэлин кэбиһэрдээх, кыыгынас кыдьдьыылаах, көмүс ойуулаах, уҕуруо оһуордаах бууктаах сонноох, туналыйа олорор туһахталаах, былыттаах халлаан убайа олорор саһарҕатын курдук чопчууралаах, киис тириитин килбиэннээҕин бэрдэ дьабака бэргэһэлээх, алаарыйар кустук курдук дьэргэн солко курдаах, бэттээхэй бэйэлээх, дьүһүннээх бастыҥа, нарын үтүөтэ, кыыс оҕо дьахтар хаастара сыыйыллан, имнэрэ тэтэрэн тураахтыыр эбит. Маннык бэйэлээх баара буолуо диэн санаабат да этим. Бу ханнык айымньыттан быһа тардыыный? Бу ким мэтириэтэй?
(Нуоралдьыма Куо, «Имииһит түүлэ»)

IVтүһүмэх. Түмүк оонньуу.
Үс мэтириэти көрдөрөр: Шарль Перро, Владимир Жуковскай, Платон Ойуунускай.
Ыйытыы: Бу үс киһи араас кэмҥэ атын- атын дойдуларга олорбуттара, айбыттара. Ол гынан баран кинилэри биир эһиги оҕо эрдэххититтэн билэр айымньыгыт сибээстиир. Ханнык айымньыный?
(«Саппыкылаах куоска»)

Түмүк таһаарыы, наҕараадалааһын.