Загрузка...Дьыктаан сыала: өрөспүүбүлүкэ үөрэнээччилэрин төрөөбүт тылынан суруктара-бичиктэрэ, литэрэтиирэ нуорматыгар эппиэттиир, тупсаҕай буоларыгар үлэлэһии.
Соруктара:
— үөрэнээччини саха литэрэтиирэтигэр, төрөөбүт тылга уһуйуу;
— төрөөбүт тылынан сөпкө саҥарар-суруйар таһымын үрдэтии, сатабылын иҥэрии;
— төрөөбүт тыл култууратын үрдэтии;
— санааны толору арыйа үөрэнии.
Дьыктааны СӨ Национальнай бибилэтиэкэтин «Оҕо арыллар, ааҕар киинэ» тэрийэн ыытар.
Дьыктаан ыытыллар бэрээдэгэ, болдьоҕо:
Дьыктаан олунньу 13 күнүгэр «Туллукчаан» оҕо бибилэтиэкэтигэр ыытыллар.
Дьыктаан үс бөлөҕүнэн ыытыллар:
- 3-4 кылаас үөрэнээччилэрэ;
- 5-6 кылаас үөрэнээччилэрэ;
- 7-8 кылаас үөрэнээччилэрэ.
Дьыктаан II түһүмэхтэн турар, ыытыллар тыла – сахалыы, кыттыы төлөбүрэ суох;
I түһүмэх: өрөспүүбүлүкэ улуустарыгар баар оҕо бибилэтиэкэлэрин, салааларын үлэһиттэрэ миэстэтигэр тэрийэллэр. Бөлөхтөр кыайыылаах кыттааччыларын үлэлэрин 2026 сыл олунньу ый 18 күнүгэр dtkckbiokonk@mail.ru ыыталлар;
II түһүмэх: өрөспүүбүлүкэ улуустарын, Дьокуускай куорат кыайыылаах кыттааччыларын үлэлэрэ сүүмэрдэнэн, бэрэбиэркэлэнэн өрөспүүбүлүкэтээҕи дьыктаан уопсай түмүгэ 2026 сыл олунньу ый 20 күнүгэр Оҕо ааҕар киинин анал сыһыарытыгар http://kids.nlrs.ru тахсыаҕа.
Дьыктаан сорудахтара уонна сыанабыла:
- Кыттааччылар бөлөҕүнэн: 3-4 кылаас үөрэнээччилэрэ, 5-6 кылаас үөрэнээччилэрэ, 7-8 кылаас үөрэнээччилэрэ бэриллибит тиэкиһи истэн суруйаллар;
- Дьыктаан ыытылларыгар экспертнэй дьүүллүүр сүбэ тэриллэр. Дьүүллүүр сүбэ экспертэрэ: өрөспүүбүлүкэ оҕо бибилэтиэкэлэрин, салааларын үлэһиттэрэ, саха тылын уонна литэрэтиирэтин учууталлара.
Экспертнэй дьүүллүүр сүбэ үлэтин түмүгүнэн:
I түһүмэх түмүгүнэн өрөспүүбүлүкэ улуустарыгар, Дьокуускай куорат үөрэнээччилэригэр сааһынан наардаан үс бөлөх кыайыылаахтарыгар: улуус, куорат таһымнаах дипломнар туттарыллаллар:
– 3 – 4 кылаас үөрэнээччилэрэ;
– 5 – 6 кылаас үөрэнээччилэрэ;
– 7 – 8 кылаас үөрэнээччилэрэ;
3.4. Дьыктааҥҥа кыттыбыт үөрэнээччилэр туоһу суругу тэрийэн ыыппыт оҕо бибилэтиэкэлэриттэн, салааларыттан ылаллар (миэстэтигэр кыттыыны ылбыттар – тутатына, миэстэтигэр);
II түһүмэх түмүгүнэн өрөспүүбүлүкэ кыайыылаахтарын сааһынан наардаан үс бөлөх кыайыылаахтарыгар дипломнар туттарыллаллар:
– 3 – 4 кылаас үөрэнээччилэрэ;
– 5 – 6 кылаас үөрэнээччилэрэ;
– 7 – 8 кылаас үөрэнээччилэрэ.
Дьыктаан түмүгүн, оҕо ааҕар киинин анал сыһыарыытыгар http://kids.nlrs.ru/ уонна социальнай ситимтэн ааҕан билиэхтэрин сөп.