Загрузка...Төрөөбүт тыл, сурук-бичик күнүгэр аналлаах «Таптыыр остуоруйам» сахалыы тылынан остуоруйаны туруоруу өрөспүүбүлүкэтээҕи кэтэхтэн күрэс балаһыанньата
Тэрийээччилэр: Тааттатааҕы «Туллукчаан» оҕо библиотеката.
Сыала: сахалыы остуоруйа нөҥүө оҕону төрөөбүт тылыгар сыһыарыы.
Соруктара:
— Остуоруйаҕа болҕомтону тардыы, киэҥ араҥаҕа тарҕатыы;
— Оҕолор сахалыы толкуйдуур, саҥарар дьоҕурдарын сайыннарыы.
Кыттыыны ылаллар: уһуйаан бэлэмнэнии бөлөҕүн иитиллээччилэрэ.
Ыытыллар көрүҥэ: кэтэхтэн, босхо.
Сүрүн ирдэбиллэр:
— видео уһуна 3 мүнүүтэттэн уһаабат.
— кыттааччылар сахалыы остуоруйаны оонньоон көрдөрөллөр;
— кэпсиир саҥаны мэһэйдээбэт гына видеоны хайдах баҕарар киэргэтэр көҥүл.
Ыытыллар кэмэ: 2026 с. тохсунньу 13 – олунньу 13 күннэрэ. Үлэлэр detbibltullukchaan@yandex.ru электроннай почтаҕа ОСТУОРУЙА диэн бэлиэтээн ыытыллаллар.
Түмүк оҕо библиотекатын сайтыгар tullukchaan.ru олунньу 18 күнүгэр тахсар.
Наҕараадалааһын: кыттааччыларга электроннай Туоһу сурук; кыайыылаахтарга хайҕал сурук; анал аат бэриллибитин туоһулуур Суруктар бэриллэллэр.
Түмүктүүр балаһыанньа:
— куонкуруска кыттыы Уопсай балаһыанньаны кытта сөбүлэһэри туоһулуур.
— тэрийээччилэр киирбит үлэлэри бэйэлэрин каналларыгар ааптарын ыйан туран угаллара көҥүл.
— харчы киллэрэр сыаллаах туттуллубата мэктиэлэнэр.