Загрузка...Быйыл балаҕан ыйын 19 күнүгэр «Дети Азии» Аан дойдутааҕы спортивнай оонньуулар ыытыллалларын туһунан ыйаахха Саха Республикатын бастакы президена Михаил Ефимович Николаев илии баттаабыт үбүлүөйдээх сыла буолбута. Бу күнтэн ыла «Туллукчаан» оҕо библиотекатыгар Азия оҕолоро спортивнай оонньуулар тустарынан кэпсиир выставка үлэлиир. Быыстапка Друзьянов Михаил Егорович чааһынай коллекциятыттан таҥыллан оҥоһулунна. Быыстапка аһыллар күнүгэр оҕолорго бастакы оонньуу призера, тренер Антипина Валентина Назаровна ыалдьыттаабыта. Оҕо сааһын саамай чаҕылхай түгэннэрин кэпсээбитэ. Мэтээлин көрдөрбүтэ. Быыстапка экспонаттарын оҕолор тутан — хабан, кэтэн көрөллөрө көҥүллэнэр.
Эһиил, 2026 сылга, Азия оҕолоро Аан дойдутааҕы спортивнай оонньуулар ыытыллыбыттара 30 сыла буоларын көрсө «Туллукчаан» оҕо библиотеката бу оонньуулар историяларын кэпсиир матырыйааллары бэлэмнээн сайтка укпута. Таатта оҕолоро бастакы оонньуулартан биир да оонньууну көтүппэккэ дьоһуннаахтык кытталлар, республикаларын чиэһин көмүскүүллэр. Эһиил даҕаны биһиги эдэр спортсменнарбыт республика сборнайыгар киирэн спорт араас көрүҥнэригэр ситиһиилээхтик кыттыахтара диэн эрэнэбит.