Загрузка...
Улуустааҕы XX -с алын кылаас үөрэнээччилэрин
кылааһы таһынан ааҕыыга олимпиадаларын балаһыанньата
Олимпиада сыала:
- Ааҕыыга сыһыарыы, ааҕыыны сайыннарыы;
- Оҕону ааҕыыга дьарыктыыр, көҕүлүүр тэрилтэлэр бииргэ үлэлииллэрин ситиһии
Буолар сирэ: улуустааҕы “Туллукчаан” оҕо библиотеката.
Буолар күнэ: сэтинньи 12 күнэ, 2025 сыл, сарсыарда 10 чаастан
Олимпиадаҕа 4-с кылаастартан 2-лии үөрэнээччи кыттара ирдэнэр. Суругунан үлэ таһынан бу икки үөрэнээччиттэн биирэ уус – уран ааҕыы куонкуруһугар кыттар. Иккиэн бэриллибит айымньылары ааҕан, бэлэмнэнэн суругунан үлэ толороллор.
Дьиэтээҕи сорудахтар:
- «Саха литературата» түһүмэххэ Николай Денисович Неустроев төрөөбүтэ 130 сылынан «Омоҕой, Эллэй икки» кэпсээнэ, Анна Денисовна Неустроева “Тиргэһиттэр” кэпсээнэ
- «Нуучча литературата» түһүмэххэ Антон Павлович Чехов төрөөбүтэ 165 сылынан «Каштанка», “Белолобый”, “Мальчики” кэпсээннэрэ
- «Омук литературата» түһүмэххэ Редьярд Киплинг төрөөбүтэ 160 сылынан
«Откуда взялись Броненосцы», «Как было написано первое письмо»,
«Кошка, гулявшая сама по себе», “Рикки – Тикки – Тави” кэпсээннэрэ
- Уус- уран ааҕыы куонкуруһугар: Сергей Александрович Есенин төрөөбүтэ 130 сылынан кини хоһоонун нууччалыы да, сахалыы да ааҕыы.
Түмүк: Олимпиада түмүгүнэн Биир чемпион, үс кыайыылаах быһаарыллар; үс түһүмэҕинэн анал ааттар; уус- уран ааҕыыга үс миэстэ тахсар, анал ааттар ананаллар. Кыайыылаахтар грамоталарынан, бириистэринэн наҕараадаланаллар; салайааччылар, кыттааччылар анал сертификатынан бэлиэтэнэллэр.
Хас биирдии кыттааччы 100 солкуобай наличканан взностаах кэлэр.
Көмө матырыйаал: “Туллукчаан” оҕо библиотекатын “Истэр кинигэ” ВК каналыгар Николай Денисович Неустроев «Омоҕой, Эллэй икки» аудиокинигэтэ
Тэрийэр хамыыһыйа