Загрузка...Тааттатааҕы «Туллукчаан» оҕо библиотеката тэриллибитэ 70 сылыгар аналлаах кыра уонна оскуола саастаах оҕолорго анаммыт остуоруйаны суруйууга «Туллукчаан уол» республикатааҕы айар күрэс балаһыанньата
Тэрийээччи: Тааттатааҕы «Туллукчаан» оҕо библиотеката.
Сыала: Оҕоҕо остуоруйа нөҥүө ааҕыыга тапталы иҥэрии, библиотекаҕа сыһыарыы.
Соруктара:
- Тааттатааҕы оҕо библиотекатын аатын үйэтитии;
- Сахалыы остуоруйаҕа болҕомтону тардыы;
- Айар, суруйар талааннаах дьону таһаарыы.
Сүрүн ирдэбиллэр:
— 18 үѳһэ саастаах, айар таһымыттан тутулуга суох, ким баҕарар кыттар кыахтаах;
— Остуоруйа кыра уонна алын кылаас оҕолоругар анаммыт, ис хоһоонугар Туллукчаан уол билиигэ-көрүүгэ кэрэхсэбилин библиотека уһугуннарарын туһунан суруллубут буолуохтаах;
— Биир киһи биир эрэ айымньынан кыттар;
— Айымньы кѳмпүүтэргэ Word программаҕа Times New Roman шрибинэн (12 размер, 1,5 интерваллаах) бэчээттэммит буолуохтаах;
— Ааптар толору аата, псевдонима, тѳлѳпүѳнэ, электроннай аадырыһа толору ыйыллыахтаах;
— Айымньы бэчээттэммитинэн 1-2 сирэй буолуохтаах;
— Ааптар күрэскэ киллэрбит айымньытын туһанарга толору быраабы биэрэр;
— Күрэскэ кыттыы төлөбүрэ суох.
Болдьоҕо:
Остуоруйаны 2025 сыл ахсынньы 1 күнүгэр диэри «Туллукчаан остуоруйа» диэн бэлиэтээн detbibltullukchaan@yandex.ru эл.аадырыска ыытаҕыт.
б.т.: 8 (41152) 41-473.
Ахсынньы 5 күнүгэр кыайыылаах бастыҥ остуоруйа ааптарыгар диплом уонна сыаналаах бириис туттарыллыаҕа. Кыттыы иһин туоһу сурук электроннай почтанан ыытыллар;
Бастыҥ остуоруйа Тааттатааҕы «Туллукчаан» оҕо библиотекатын https://tullukchaan.ru/ сайтыгар, «Таатта» хаһыакка тахсыаҕа.
Туллукчаан уол маскоттарын көрүҥ, остуоруйа айаргытыгар туһаныҥ!
