Загрузка...“Сэрии кэмин туоһулара”
улуустааҕы видеоролик куонкуруһун
балаһыанньата
- Уопсай балаһыанньа
- Сыала:
Биир мал нөҥүө Аҕа дойду Улуу сэриитин кэмин туһунан өйдөбүнньүк видеокэпсээн оҥорон дьон көрүүтүгэр таһаарыы.
1.2. Тэрийээччилэр: “Туллукчаан” оҕо библиотеката, Таатта улууһун кыраайы үөрэтэр “Албан аат” түмэлэ, “Таатта” литературнай – художественнай түмэл.
1.3. Ыытыллар формата: кэтэхтэн, босхо.
- Соруктар:
- дойду историятыгар интэриэһи биир мал историятынан көбүтүү.
- ааспыт көлүөнэ сэриигэ, тыылга хорсун суолларынан киэн туттууну үөскэтии
- дьиэ кэргэни биир айар дьарыгынан түмүү
- дьиэ кэргэн Ытык малын, нэһилиэк, оскуола түмэллэрин экспонаттарын сырдатыы
- Ытык маллары видеокэпсээнинэн үйэтитии.
- Кытталлар: 1-4, 5-8 кылаас үөрэнээччилэрэ
- Ыытыллар кэмэ: 2025 с. кулун тутар 20 – муус устар 20 күннэрэ.
4.1. Видеороликтары detbibltullukchaan@yandex.ru электроннай почтаҕа ЫТЫК диэн бэлиэлээн ыытыллар. Түмүк муус устар 24 күнүгэр тахсар.
- Ирдэбил:
— Темата: дьиэ кэргэҥҥэ, түмэллэргэ харалла сылдьар Аҕа дойду Улуу сэриитин кэмин туоһулуур маллар.
— уһуна 3 мүнүүтэттэн уһаабат.
— телефону сытыары тутан уһуллар
— кэпсээҥҥэ Ытык мал ханна, кимнээххэ харалла сылдьара булгуччу ыйыллар.
— кэпсиир саҥаны мэһэйдээбэт гына видеоны хайдах баҕарар киэргэтэр көҥүл.
- Сыаналанар:
— темаҕа сөп түбэһиитэ
— сонуннук, айымньылаахтык уһуллуута
— ситимнээхтик кэпсээн малы толору арыйыыта
— кэпсиир таһыма
- Наҕараадалааһын: кыттааччылар электроннай Туоһу суругунан; кыайыылаахтар грамоталарынан уонна бириистэринэн; анал аат бэриллибитин туоһулуур Суруктарынан наҕараадаланаллар.
- Түмүктүүр балаһыанньа:
— куонкуруска кыттыы Уопсай балаһыанньаны кытта сөбүлэһэри туоһулуур.
— тэрийээччилэр киирбит үлэлэри бэйэлэрин каналларыгар ааптарын ыйан туран угаллара көҥүл.
— харчы киллэрэр сыаллаах туттуллубата мэктиэлэнэр