“Күөн күрэс тойуга” өрөспүүбүлүкэтээҕи ЛЕТТЕРИНГ куонкуруһа
ХХII –с Манчаары оонньууларын көрсө
ЛЕТТЕРИНГ диэн буукубалары кыраһыабайдык уруһуйдааһыны этэллэр. Леттеринг уонна каллиграфия тус- туспа көрүҥнэр буолаллар. Каллиграфия диэн биир тэҥник олус кыраһыабайдык суруйары ааттыыллар. Оттон ЛЕТТЕРИНГ хас биирдии буукубаны араастаан уруһуйдаан суруйуу буолар.
Сыала:
— Пьер де Кубертен “Ода спорту” айымньытын Раиса Винокурова –Сэндиэлэ сахалыы тылбааһыттан ылыллыбыт этиилэртэн талан леттеринг техниканан суруйтарыы.
Соруктар:
— Леттеринг техника туһунан оҕолорго билиһиннэрии.
— Оҕо айар дьоҕурун көҕүлээһин.
— Дьиэ кэргэни, коллективтары биир дьарыгынан түмүү.
Кыттааччылар: 5-8 кылаас үөрэнээччилэрэ.
Ирдэбиллэрэ:
— Леттеринг туһунан видеону телеграм каналбытыгар, леттеринг ссылканан ютубка, эбэтэр VK видео киирэн көрүөххүтүн сөп.
— Туттуллар матырыйаал хааччаҕа суох: акварель, өҥнөөх харандаас, маркер, гелевай ручка, капиллярнай ручка уо.д.а. буолуон сөп.
— Шрифтары талар, киэргэтэр көҥүл.
— Үлэлэри үчүгэй хаачыстыбалаахтык хаартыскаҕа түһэрэн эбэтэр сканердаан detbibltullukchaan@yandex.ru электроннай почтаҕа ааккытын, араспаанньаҕытын, ханна үөрэнэргитин (кылаас, оскуола), улуускут, нэһилиэккит аатын суруйан Леттеринг диэн бэлиэтээн ыытаҕыт.
Быһаарыы:
— Кыттыы босхо.
— Кыттааччы үлэтин тэрийээччи бэйэтэ көрөрүнэн туһанарыгар көҥүл биэрэр.
Ыытыллар кэмэ: тохсунньу 17 күнүттэн — олунньу 17 күнүгэр дылы. Түмүк олунньу 20 күнүгэр tullukchaan.ru сайтка тахсыа.
Наҕараада: Кыайыылаахтар электроннай грамоталарынан наҕараадаланыахтара. Кыттааччылар электроннай туоһу суругунан бэлиэтэнэллэр. Үлэлэр кэнники электроннай кинигэҕэ киирэн tullukchaan.ru сайтка угуллуохтара.
Көмө матырыйааллар: Пьер де Кубертен. Күөн күрэс тойуга.- Якутск: Саха полиграфиздат, 2004.- 144 с.