Ынах

Россияҕа биллэриллибит дьиэ кэргэн сылыгар

               “Ынах иитэр дьоллоох сахалар”

улуустааҕы куонкурустар

Тэрийээччи: “Туллукчаан” оҕо библиотеката

Кыттааччылар: уһуйааннар улахан уонна бэлэмнэнии бөлөхтөрүн иитиллээччилэрэ, 1-4, 5-8 кылаас үөрэнээччилэрэ.

Сыала:

-үлэ киһитэ – сүөһү иитээччи, урукку дайаарка, ньирэй көрөөччү, билиҥҥи бааһынай хаһаайыстыбалаах ыал туһунан билиһиннэрии,

-үлэһит биир дойдулаахтарынан киэн туттунууну иитии,

-ынах- саха олоҕун төрдө буоларын өйдөтүү.

1. “Түбүктээх үлэ – дьиэ кэргэн олоҕун уйгута” – слайда куонкуруһа: биир дойдулаах ынахтаах ыал олоҕун, сүөһү иитиитигэр өр сыл үлэлээбит дьон үлэтин- хамнаһын сырдатыы. 10-тан итэҕэһэ суох страницалаах буолуохтаах. Слайданы detbibltullukchaan@yandex.ru   почтаҕа ЫНАХ диэн бэлиэлээн ыытыллар.

      2. “Саха ыалын баайа – ынах” – уруһуй куонкуруһа. Саха поэттарын хоһоонноруттан биири талан уруһуйдууллар. Уруһуй ханнык баҕарар техниканан оҥоһуллара көҥүл. Размера А4. Паспарту ирдэниллэр. Паспартуга оҕо аата, тэрилтэтэ, ханнык поэт хоһооно буолара ыйыллар. Хоһооннору библиотека сайтыгар киирэн ылыахха сөп.

Уруһуйдары “Туллукчаан” оҕо библиотекатыгар аҕалан биэрэҕит. Ытык Күөл, А.Мординова уулусса, 15.

Куонкурус үлэлэрин хомуйар кэм: Балаҕан ыйын 9 күнүттэн –  алтынньы 9 күнүгэр дылы.

Түмүк тахсар алтынньы 11 күнүгэр- Тыа хаһаайыстыбатын үлэһиттэрин күнүн көрсө.

Слайда куонкуруһугар киирбит үлэлэри тэрийээччилэр бэйэлэрин сайтарыгар угаллар.

Уруһуйдар тыа хаһаайыстыбатын управлениетыгар быыстапкаҕа туруохтара.

Кытааччылар электроннай сертификаттарынан бэлиэтэниэхтэрэ. Кыайыылаахтар электроннай грамоталарынан наҕараадаланыахтара.

   Паспарту диэн тугуй?https://tullukchaan.ru/методическая-папка/паспарту-оҥоробут/