Загрузка...Бүтүн Россиятааҕы библиотекалар күннэригэр сылын аайы «Сила книги» республиканскай акция ыытыллар. Бу күн библиотекаларга мустан дорҕоонноох ааҕыыны тэрийэллэр. Кинигэ күүһэ — ааҕыыга буоларын көрдөрөллөр. Быйылгы акция оҕо саас сылыгар ананна. Онон оҕолор доҕотторугар уонна төрөппүттэригэр ааҕан иһитиннэрдилэр. Тааттатааҕы «Туллукчаан» оҕо библиотекатыгар 3в кылаас оҕолоро төрөппүттэрин ыҥырдылар. Биир дойдулаахпыт, норуодунай суруйааччы Куорсуннаах сахалыы тылбаастаабыт «Кыра Тыгын» -тан быһа тардан аахтылар. Француз суруйааччыта Антуан де Сент Экзюпери «Маленький принц» сэһэнин нууччалыы тылынан аан бастаан 65 сыл анараа өттүгэр Нора Галь тылбаастаабыта. Бу дьикти айымньы 300- тан тахса омук тылыгар тылбаастаммыта, ол иһигэр саха тыла баарынан киэн туттуохха сөп. Аан дойду саамай биллиилээх айымньытыттан быһа тардан Григорьева Айна, Портнягин Саша, Голикова Инесса ааҕан анал туоһу сурук туттулар. Ытык Күөлбүтүгэр саха хомоҕой тылынан үчүгэйдик ааҕар оҕолор бааллара үөрдэр.
