1 Звезда2 Звезды3 Звезды4 Звезды5 Звезд (1 оценок, среднее: 4,00 из 5)
Загрузка...
141 просмотров

Эбэм, эһэм

Автор: | 10 октября, 2023

«Эбэм, эһэм — үтүө үлэһит дьон»  диэн аатынан «Бииргэ ааҕар үчүгэй» кулууп оҕолоро күндү дьоннорун Аҕам саастаахтар күннэринэн эҕэрдэлээтилэр.  Эрдэттэн бэлэмнэнэн эбээлэрин, эһээлэрин идэлэрин туоһулаһан уруһуйдаан аҕалан быыстапкаҕа ыйаатылар. Мустубут дьоҥҥо  уруһуйдарын сырдатан кэпсээтилэр. Оҕолор тапталлаах эбээлэригэр, эһээлэригэр бэйэлэрэ оҥорбут открыткаларын кытта хоһоон ааҕан бэлэхтээтилэр. Мочкин Толя, Товаров Айаан салайан бэртээхэй оонньуулары оонньоттулар.

«Бииргэ ааҕар үчүгэй» кулууп бу үөрэх дьылыгар бастакы түмсүүтэ кинигэ уларсыынан түмүктэннэ.

Төрөппүттэрин, чугас дьоннорун идэлэрин, үлэлиир тэрилтэлэрин туһунан билии кыра оҕоҕо олус улахан суолталаах. Киһи күн сиригэр үлэлээх- хамнастаах буолар эбит диэн өйдөбүл олохсуйара кэнники бэйэлэрин суолларын, идэлэрин сөпкө талалларыгар бастакы хардыы буолар.

Добавить комментарий

Ваш адрес email не будет опубликован. Обязательные поля помечены *