1 Звезда2 Звезды3 Звезды4 Звезды5 Звезд (3 оценок, среднее: 5,00 из 5)
Загрузка...
191 просмотров

Хайах хостооһуна

Автор: | 22 июня, 2023

Бэс ыйын 22 күнүгэр «Туллукчаан» оҕо библиотеката «Түөлбэ баһаатайа» диэн сайын аайы аһыллан үлэлиир лааҕырга баран бэрт сонун оонньууну оонньотто. Бу лааҕыры «Сатабыл» оҕо айымньытын дьиэтэ тэрийэн үлэлэтэр. Оскуола иннинээҕи саастаах оҕолортон саҕалаан олдьот оҕолорго тиийэ кэлэн бөлөхтөрүнэн түмсэн сылдьаллар. Киһи сонургуура- оҕолор баһаатайдара эмиэ оҕолор.

«Хайах хостооһуна» —   өбүгэлэрбит таптаан оонньуур оонньуулара эбит.

 

 

 

 

Бу оонньуу туһунан Афанасий Федоров «Өбүгэлэрбит оонньуулара» диэн кинигэтиттэн билэн ХХI үйэ оҕолоругар оонньоттубут.  Төһө баҕарар киһи оонньуон сөп. Бастакы олорооччу баҕананы кууһан олорор. Кини кэнниттэн субуруһа бэйэ- бэйэлэрин хоннохторун анныларыттан ыгыта куустуһан олороллор. Биир киһи- «хайах хостооччу» олорор дьоҥҥо тиийэн, бүтэһик киһини хонноҕун анныттан ылан , кэннин диэки чинэрийэн соһор… Олорооччулар «хайахтар» ыытыспакка олоруохтаахтар. «Хайах хостооччу» биир — биир арааран, тэйиччи соһуохтаах. Өскөтүн дьонун баҕанаттан араарбатаҕына, ол баҕананы кууһан туран, ыстараап толоруохтаах. Араарарга олорор дьону кычыгалатар, кымыстыыр көҥүллэммэт.

 

 

 

 

 

 

 

Лааҕыр оҕолоро кыратыттан улаханыгар тиийэ бу оонньууну олус сөбүлээн оонньоотулар. «Хайах хостооччу» — чахчы күүстээх, тулуурдаах, сылайбат сындааһыннаах буоллаҕына кыайар эбит дэстилэр.

«Хайах хостооччу» эстибэтин диэн икки, сороҕор үс хостооччу солбуһа сылдьан хайаҕы хостоотулар.

Добавить комментарий

Ваш адрес email не будет опубликован. Обязательные поля помечены *