1 Звезда2 Звезды3 Звезды4 Звезды5 Звезд (2 оценок, среднее: 5,00 из 5)
Загрузка...
460 просмотров

Сылгы

Автор: | 19 февраля, 2023

Республикаҕа ҮЛЭ сылын чэрчитинэн

“УОРДААХ ДЬӨҺӨГӨЙ МААНЫЛААХ ОҔОТО СЫЛГЫ БАРАХСАН”

УЛУУСТААҔЫ КУОНКУРУСТАР БАЛАҺЫАННЬАЛАРА

 

Тэрийээччи: “Туллукчаан” оҕо библиотеката

Кыттааччылар: 1-4, 5-8 кылаас үөрэнээччилэрэ

Сыала:

-үлэ киһитэ – сылгыһыт туһунан оҕолорго билиһиннэрии,

-үлэһит биир дойдулаахтарынан киэн туттунууну иитии,

-айылҕа оҕото – сылгы- саха олоҕун төрдө буоларын өйдөтүү.

  1. “Үлэ киһитэ – сылгыһыт” – слайда куонкуруһа: биир дойдулаах сылгыһыт, ат сүрдээччи-тренер, жокей олоҕун, үлэтин- хамнаһын сырдатыы. 10-тан итэҕэһэ суох страницалаах буолуохтаах. Куонкуруска киирбит үлэлэри тэрийээччилэр бэйэлэрин үлэлэригэр туһаналлар. Слайданы detbibltullukchaan@yandex.ru   почтаҕа СЫЛГЫҺЫТ диэн бэлиэлээн ыытыллар.
  2. “Дьөһөгөй оҕото” – сылгы, кулунчук, биэ, ат уонна сылгыһыт туһунан биир хоһоон ааҕыыта. Хоһоону телефону туора тутан уһуллар. Музыканан киэргэтии, таһырдьа устуу ааҕыы хаачыстыбатын мөлтөтөрүнэн туттуллубат. Ааҕааччы экраҥҥа көстөн туруохтаах. Дьиэ кэргэнинэн ааҕыы биһирэнэр: бу түбэлтэҕэ сүрүн ааҕааччы оҕо буолар. Видеоматырыйаалы ханнык да социальнай ситимҥэ таһаарбаппыт диэн мэктиэлиибит. Видеону detbibltullukchaan@yandex.ru почтаҕа СЫЛГЫ диэн бэлиэлээн ыытаҕыт.
  3. “Сахам сирин баайа – саха сылгыта” – уруһуй куонкуруһа. Уруһуй ханнык баҕарар техниканан оҥоһуллара көҥүл. Размера А4, А3. Паспарту ирдэниллэр. Фломастерынан уруһуйдуур көҥүллэммэт. Уруһуйдары “Туллукчаан” оҕо библиотекатыгар аҕалан биэрэҕит. Ытык Күөл, А.Мординова уулусса, 15.

 

Куонкурус үлэлэрин хомуйар кэм: Олунньу 20 күнүттэн – кулун тутар 19 күнүгэр дылы.

Түмүк тахсар кулун тутар 21 күнүгэр- СЫЛГЫҺЫТ КҮНҮГЭР

Кытааччылар электроннай сертификаттарынан бэлиэтэниэхтэрэ. Кыайыылаахтар электроннай грамоталарынан наҕараадаланыахтара.

Добавить комментарий

Ваш адрес email не будет опубликован. Обязательные поля помечены *