Улуустааҕы XVII-с алын кылаас үөрэнээччилэрин
ааҕыыга олимпиадаларын балаһыанньата
Олимпиада сыала:
- Оҕоҕо кинигэҕэ тапталы иитии, ааҕыыга сыһыарыы, ааҕыыны сайыннарыы;
- Оҕону ааҕыыга дьарыктыыр, көҕүлүүр тэрилтэлэр бииргэ үлэлээһиннэрин ситиһии
Буолар сирэ: улуустааҕы оҕо библиотеката.
Буолар күнэ: сэтинньи 15 күнэ, 2022 сыл, сарсыарда 10 чаастан
Олимпиадаҕа улуус 4-с кылаастарыттан 2-лии үөрэнээччи кыттара ирдэнэр. Суругунан үлэ таһынан бу икки үөрэнээччиттэн биирэ уус – уран ааҕыы куонкуруһугар кыттар. Иккиэн бэриллибит айымньылары ааҕан, бэлэмнэнэн суругунан үлэ толороллор.
Дьиэтээҕи сорудахтар:
- «Саха литературата» түһүмэххэ саха норуодунай суруйааччыта СОФРОН ПЕТРОВИЧ ДАНИЛОВ (1922-1993), «Манчаары» сэһэниттэн «Бүтэй аана», «Торбостор», «Кыыс хараҕа», «Отут саһыл төлөбүрэ», «Ситиһиэм» кэпсээннэрин.
- «Нуучча литературата» түһүмэххэ КОНСТАНТИН ГЕОРГИЕВИЧ ПАУСТОВСКАЙ (1892-1968).
-Заячьи лапы
-Кот — ворюга
-Барсучий нос
-Стальное колечко
-Растрепанный воробей …айымньылара.
- «Омук литературата» түһүмэххэ Англия суруйааччыта Редъярд Киплинг “Рикки- Тикки- Тави” остуоруйатын Корней Чуковскай тылбааһа.
- Уус- уран ааҕыы куонкуруһугар Саха сиригэр Ийэ сылын чэрчитинэн «Күн күбэй ийэм…» диэн темаҕа сөп түбэһэр саха суруйааччыларын хоһоонноруттан биири талан ааҕыы.
Олимпиада түмүгүнэн үс кыайыылаах быһаарыллар; үс түһүмэҕинэн анал ааттар; уус- уран ааҕыыга үс миэстэ тахсар, анал ааттар бэриллэллэр. Кыайыылаахтар грамоталарынан, бириистэринэн наҕараадаланаллар; салайааччылар, кыттааччылар анал сертификатынан бэлиэтэнэллэр.
Хас биирдии кыттааччы 100 солкуобай взностаах, биирдэ аһыыр өйүөлээх кэлэр.
Тэрийэр хамыыһыйа