1 Звезда2 Звезды3 Звезды4 Звезды5 Звезд (1 оценок, среднее: 5,00 из 5)
Загрузка...
208 просмотров

Кинигэ күүһэ — 2022

Автор: | 30 мая, 2022

    Ыам ыйын 27 күнүгэр — Бүтүн Арассыыйатааҕы библиотекалар күннэригэр “Туллукчаан” оҕо библиотеката Саха сиригэр Ийэ сылын чэрчитинэн, сылын аайы ыытыллар IV-с “Кинигэ күүһэ” өрөспүүбүлүкэтээҕи акцияҕа кыттыста.

    Акция сыала – ааҕыы суолтатын үрдэтии, дьону ааҕыыга угуйуу. Акция сиэринэн дьоҥҥо-сэргэҕэ биллэр киһи сөбүлээн ааҕар кинигэтин туһунан кэпсиэхтээх, истээччилэргэ кинигэттэн быһа тардан доргуччу ааҕыахтаах. Өрөспүүбүлүкэҕэ Ийэ сыла биллэриллибитинэн быйылгы акцияҕа ийэлэр ийэ туһунан айымньылары ааҕыахтаахтара.

    Быйылгы акциябыт ааҕааччытынан “Кустук” оҕо көрдөрүүлээх драматическай театрын салайааччыта, күн күбэй ийэ — Татьяна Ивановна Захарова буолла. Кини саха норуодунай суруйааччыта Софрон Петрович Данилов төрөөбүтэ 100 сылыгар анаан, суруйааччы “Ийэ барахсан” кэпсээнин аахта.

    Ытык Күөллээҕи Алампа аатынан 1 № орто оскуола Алексеева М.В. салайааччылаах 3 “б” кылааһын үөрэнээччилэрэ акцияҕа кыттыһан библиотекаҕа муһуннулар, кэпсээни болҕойон олорон иһиттилэр. Оҕолор ааҕыы кэнниттэн айымньы ис хоһоонун тула кэпсэтиигэ кыттыстылар, ыйытыыларга эппиэттээтилэр. Маны тэҥэ, акция оҕо библиотекатын Телеграм ханаалыгар быһа холбонуунан көһүннэ. Ааҕааччыга уонна истээччилэргэ акцияҕа кыттыбыттарын туһунан туоһу суруктар туттарылыннылар.

Добавить комментарий

Ваш адрес email не будет опубликован. Обязательные поля помечены *