Леттеринг

“Алгыс баһа сыалаах” өрөспүүбүлүкэтээҕи ЛЕТТЕРИНГ куонкуруһа

Саха суругунан уус – уран литературатын төрүттээччи, поэт, наука араас көрүҥнэригэр маҥнайгы оҥкулу оҥорбут чинчийээччи, гуманист-философ Алексей Елисеевич Кулаковскай — Өксөкүлээх Өлөксөй  төрөөбүтэ 145 сылыгар ананар.

Сыала:

-сахалыы алгыс туһунан өйдөбүлү олохсутуу

Соруктар:
— Өксөкүлээх Өлөксөй “Ортоку олук алгыһа”, “Былыргылыы алгыс” айымньыларын киэҥ араҥаҕа аахтарыы

— Леттеринг техника туһунан оҕолорго, улахан дьоҥҥо билиһиннэрии.
— Оҕо, улахан дьон айар дьоҕурдарын көҕүлээһин.
— Дьиэ кэргэни биир дьарыгынан түмүү.

Кыттааччылар: 5-11 кылаас үөрэнээччилэрэ, улахан дьон.

Ирдэбиллэрэ:
— https://tullukchaan.ru/хоһооннор/алгыс/  ссылканан киирэн бэриллибит айымньылартан цитаталары талан уруһуйдааһын.
— Туттуллар матырыйаал хааччаҕа суох: акварель, өҥнөөх харандаас, маркер, гелевай ручка, капиллярнай ручка уо.д.а. буолуон сөп.
— Кумааҕы А4 кээмэйдээх.
— Шрифтары талар, киэргэтэр көҥүл.

— Үлэлэри үчүгэй хаачыстыбалаахтык хаартыскаҕа түһэрэн

detbibltullukchaan@yandex.ru электроннай почтаҕа ааккытын, аҕаҕыт аатын, араспаанньаҕытын, ханна үөрэнэргитин (кылаас, оскуола), үлэлииргитин, улуускут, нэһилиэккит аатын суруйан Акула леттеринг диэн бэлиэтээн ыытаҕыт.

— Кыттыы босхо.

Ыытыллар кэмэ: олунньу 13 күнүттэн — кулун тутар 22 күнүгэр дылы. Түмүк кулун тутар 24  күнүгэр tullukchaan.ru сайтка тахсыа.

Наҕараада: Кыайыылаахтар электроннай грамоталарынан наҕараадаланыахтара. Кыттааччылар электроннай туоһу суругунан бэлиэтэнэллэр. Үлэлэр кэнники электроннай кинигэҕэ киириэхтэрэ.

P.S. ЛЕТТЕРИНГ  диэн буукубалары кыраһыабайдык уруһуйдааһыны этэллэр.  Леттеринг уонна каллиграфия тус- туспа көрүҥнэр буолаллар. Каллиграфия диэн биир тэҥник олус кыраһыабайдык суруйары ааттыыллар. Оттон ЛЕТТЕРИНГ буукубаны араастаан уруһуйдаан суруйууну этэллэр.

 Көмө матырыйаал:  — Леттеринг туһунан видеону

https://tullukchaan.ru/виртуальные-выставки/леттеринг

ссылканан киирэн көрүҥ, үөрэниҥ.