Загрузка...
Кэнники кэмҥэ ыттарын баайбат, эппиэтинэһэ суох хаһаайыннартан сылтаан ыттар босхо сылдьан, дьоҥҥо түһэн ытырыылара элбээтэ. Иитэ ылбыт кыылбытын көрөр-харайар, атын дьоҥҥо куттала суох буоларын туһугар кыһаллар эбээһинэстээхпит. Кыылы дьиэҕэ иитэ ылар буоллахха эрдэттэн үөрэтэн, ыты, куосканы тутуу быраабылаларын билэн баран ылар ордук. Ылбыт кыылларбытын көрөр-истэр, сөптөөхтүк иитэр буолуохтаахпыт. Оҕо кыратыгар хаппырыыстаан да туран ыт, куоска көрдүүр буоллаҕына, киниэхэ бу кыыллары иитии чэпчэкитэ суоҕун, кыыллар хаһаайын болҕомтотун эрэйэллэрин, сөпкө ииппэтэххэ туох түмүктээх буолуоҕун сөбүн кэпсиэх, өйдөтүөх тустаахпыт.
Инстаграмҥа өрөспүүбүлүкэтээҕи хоһоон ааҕыытын куонкуруһа
⠀
Тема: Дьиэ кыыла — оонньуур буолбатах
⠀
Ирдэбиллэр:
1. Ханнык баҕар дьиэ кыылын туһунан сахалыы хоһоону нойосуус үөрэтии
2. Видеоҕа устуу:
1) Оҕо хоһоонун нойосуус этэр.
2) Видео хаачыстыбата үчүгэй буолуохтаах.
3) Видеоны #дьиэкыылаконкурс диэн хэштегтаан БЭЙЭҔИТ инстаграм страницаҕытыгар угаҕыт. Хештегынан көстөр гына страницаҕыт аһаҕас буолуохтаах.
Видео анныгар оҕо аата, салайааччыта, уһуйаана эбэтэр оскуолата, улууһа, нэһилиэгэ, ону тэҥэ туоһу сурук, грамота ыытарга электроннай почта аадырыһа хайаан даҕаны суруллар.
Кытталлар: уһуйаан иитиллээччилэрэ, 1-8 кылаас үөрэнээччилэрэ.
Ыытыллар кэмэ: тохсунньу 27 — олунньу 18 күннэрэ
⠀
Түмүк: түмүгү дьүүллүүр сүбэ таһаарар. Туоһу суруктары, грамоталары ыйыллыбыт электроннай почтаҕыт аадырыһыгар ыытабыт.
Көмө матырыйаал: https://tullukchaan.ru/хоһооннор/дьиэ-кыыллара/