Загрузка...«Ийэм аҕам биэрбит алгыстаах ааттара» диэн Россияҕа бастакытын ыытыллыбыт Аҕа күнүгэр биллэриллибит акцияны Россия ийэлэрин күнүн көрсө түмүктээтибит. Дьиэ кэргэҥҥэ оҕо төрөөһүнэ күүтүүлээх үөрүү, дьоллоох түбүк аргыстаах буолар. Онтон ураты кэрэ – саҥа киһиэхэ ААТ биэрии. Аат биирдэ бэриллэн баран киһини олоҕун устун илдьэр, арыаллыыр, тэҥҥэ олох олорор. Оҕолор ааттара хайдах бэриллибитин төрөппүттэриттэн ыйыталаһан биллилэр, ааттарын суолтатын үөрэттилэр. Ааттарынан киэн тутталларын, ааттара кинилэри харыстыырын суруйбуттар. Аатын дьоһуннук өрө тутар киһи олоххо эрэллээхтик хардыылыыр.
Икки бөлөҕүнэн түмүк таҕыста.
4-5 кылаастар
I миэстэ
Никита- Сандал Иванов, Сунтаар улууһа, Илимниир орто оскуолата, 5 кылаас
II миэстэ
София Апросимова, Таатта улууһа, Ытык Күөл 1 № оскуолата, 4 б кылаас.
III миэстэ
Сахамин Попов, Сунтаар улууһа, Илимниир орто оскуолата, 5 кылаас
Айталыына Сысолятина, Тааттатааҕы лицей, 5б кылаас
6-7 кылаастар
I миэстэ
Саша Герасимов, Тааттатааҕы лицей, 7а кылаас
II миэстэ
Майя Сенькина, Тааттатааҕы лицей, 7а кылаас
III миэстэ
Наташа Мохначевская, Тааттатааҕы лицей, 7а кылаас
Кыдаана Маркова, Тааттатааҕы лицей, 7а кылаас
Ийэ аҕа биэрбит алгыстаах ааттара барыгытын араҥаччылыы сырыттын!
Кыайыылаахтарга электроннай грамоталар ыытыллыахтара.
Мин аатым суолтата
Хас биирдии киһи бу орто дойдуга киһи буолан айыллан, төрөөн-үөскээн олох олороору, киһи бэрдэ дэтээри кэлэр. Эн бу олоххор хайдах киһи буолуон, тугу ситиһиэн, бу манна барытыгар о5о5о бэриллибит аата улахан оруоллаах дии саныыбын.
Дьэ, то5о бу маннык түмүккэ кэллин диир эбит буоллаххытына, мин, Иванов Никита – Сандал Иванович 2010 сыллаахха бэс ыйын 8 кунугэр уол о5ото буолан айыллан, ийэлээх а5ам күҥҥэ көрдөрбөт со5отох о5олоро буолбутум. Ийэлээх а5ам араас ааты сыымайдаан, толкуйдаан, кыайыылаах-хотуулаах, элбэх ситиһиилээх, күүстээх-уохтаах буоллун диэн Никита диэн аат биэрбиттэрэ. Ийэм кэпсииринэн, бэйэм да кыратык өйдүүрбүнэн, кыра сылдьан сотору-сотору ыалдьан, балыыһа5а араас эминэн эмтэнэн тахсарым. Ол курдук сайын аайы Сахабыт сирин киин куоратыгар дьоллоох Дьокуускайга баран эмтэнэн кэлэрбит. 1,6 саастаахпар инбэлиит диэн быһааран, дьонум сүрэхтэрин аймаабыттар. Мин 3 саастаахпар ийэлээх а5ам субэлэһэн, саастаах дьонтон ыйытан, бу о5обут ыалдьара бэрт диэн иккис аат биэрэргэ санаммыттар. Бу о5ону икки ааттыыр биһиги өбүгэлэбитигэр былыр былыргыттан баар итэҕэлэбит. Ол курдук, сахалар о5о турбат, эбэтэр элбэхтик ыарытыйар буолла5ына «о5о абааһыта буулуур»дииллэрэ. Уонна ол абааһыттан куоттаран, абааһыны бутуйан о5о5о икки аат биэрэллэр эбит. Бу итэҕэл Иван Гоголев – Кындыл «Хара кыталык» айымньытыгар көстөр үһү. Манна баай о5онньор о5олоро өлөрүн иһин, кыра уолун «абааһыттанкуоттаран» түннүгүнэн Хараанай эмээхсиҥҥэ биэрэр. Хараанай кыыстаах уолу ааттарын буккуйа Хабырыыс- Хобороос диэн ааттыыр. Дьэ, ол курдук ийэлээх а5ам «Хара кыталык» кэпсээни санаан, кырдьаҕас дьон сүбэтин истэн, миэхэ иккис аат биэрэргэ санаммыттар. О5обут аата нууччалыы уонна наһаа кытаанах суолталаах, ба5ар аатын «кыайбата» буолуо диэн сахалыы аат көрдөөбүттэр. Бу манна а5ам оскуола5а бииргэ үөрэммит табаарыһым аатын биэриэххэ диэн «Сандал» диэн аат суолтатын көрбүттэр. Чахчы да5аны диэх курдук, Сандал – «сырдык, ыраас» диэн суолталаах буолан биэрбит. Ол курдук кыайыылаах-хотуулаах, санаабытын ситистин диэн Никита – древнегр, «победитель», ол эрэн ыраас, сырдык санаалаах буоллун диэн – Сандал диэн иккис аат биэрбиттэр. Киһи сымыйалыыр диэх курдук, бу кэннэ сыыйа үтүөрэн, ыалдьарым аҕыйаан 7 саастаахпар инбэлиит аатыттан устубуттара. Ба5ар эмтэнии туһата буолуо, ол эрээри бу саха итэ5элэ эмиэ туһалаабыта буолуо диэн олус итэ5эйэбит. Сахалар – түҥ былыргы культуралаах, бэйэбит туһунан итэ5эллээх Айыы о5олоро буолабыт. Онон бэйэбит культурабыт умнуллубатын, симэлийбэтин курдук о5ону сахалыы ааттыахха наада.
Киһи киһи буолбут, саханы саха гыммыт өйдөбүллэри сир-уот аатыгар, киһи аатыгар иҥэрэн хаалларан иһин. Оччо5о саха баарын тухары ол ааттары уонна ытык өйдөбүллэри дьон саҥаран туһана сылдьыахтара.