Саха литературатын төрүттэспит суруйааччы, уһулуччулаах драматург, прозаик, поэт, критик, тылбаасчыт, бөдөҥ общественнай деятель Анемподист Иванович Софронов — Алампа төрөөбүтэ 135 сылыгар аналлаах “Алампа кынаттаах тыллара” өрөспүүбүлүкэтээҕи куонкурус. Суруйааччы айымньыларыттан кэрчиктэри, цитаталары леттеринг техниканан уруһуйдааһын.
Сыала:
— А.И. Софронов айымньыларын киэҥ араҥаҕа аахтарыы
— Леттеринг техника туһунан оҕолорго, улахан дьоҥҥо билиһиннэрии.
— Оҕо, улахан дьон айар дьоҕурдарын көҕүлээһин.
— Дьиэ кэргэни биир дьарыгынан түмүү.
Кыттааччылар: 5-11 кылаас үөрэнээччилэрэ, улахан дьон.
Ирдэбиллэрэ:
— Леттеринг туһунан видеону http://tullukchaan.ru/виртуальные-выставки/леттеринг/ ссылканан киирэн көрүү.
— Видео анныгар баар этиилэртэн, эбэтэр Алампа ханнык баҕар айымньыларыттан цитаталары талан уруһуйдааһын.
— Туттуллар матырыйаал хааччаҕа суох: акварель, өҥнөөх харандаас, маркер, гелевай ручка, капиллярнай ручка уо.д.а. буолуон сөп.
— Кумааҕы А4 кээмэйдээх.
— Шрифтары талар, киэргэтэр көҥүл.
— Үлэлэри үчүгэй хаачыстыбалаахтык хаартыскаҕа түһэрэн detbibltullukchaan@yandex.ru электроннай почтаҕа ааккытын, аҕаҕыт аатын, араспаанньаҕытын, ханна үөрэнэргитин (кылаас, оскуола), үлэлииргитин, улуускут, нэһилиэккит аатын суруйан Алампа леттеринг диэн бэлиэтээн ыытаҕыт.
— Кыттыы босхо.
🔸 Ыытыллар кэмэ: алтынньы 15 күнүттэн — сэтинньи 10 күнүгэр дылы. Түмүк сэтинньи 15 күнүгэр tullukchaan.ru сайтка тахсыа.
Наҕараада: Кыайыылаахтар электроннай грамоталарынан наҕараадаланыахтара. Кыттааччылар электроннай туоһу суругунан бэлиэтэнэллэр. Үлэлэр кэнники электроннай кинигэҕэ киириэхтэрэ.