Ааспыт сылга саха литературатын төрүттээччилэртэн биирдэстэрэ Николай Денисович Неустроев төрөөбүтэ 125 сылын бэлиэтээбиппит. Суруйааччы «Балыксыт» кэпсээнин ускуустуба оскуолатын уруһуй кылааһын үөрэнээччитэ Далан Павлов ымпыктаан — чымпыктаан уруһуйдаабыта, учуутала Билюкина С.К. Бу уруһуйдары туһанан «Туллукчаан» оҕо библиотеката аудиокинигэ, электроннай кинигэ оҥорон сайтка укпута. Салгыы бу үлэни сайыннаран тиэкиһин кыра саастаах оҕолорго сөптөөх гына кылгатан ойуу- кинигэ оҥорон республикатааҕы оҕо ааҕыытын салайар киин «Оҕолор- ааптардар» диэн бырайыагар ыыппыппыт. Онон туспа кинигэ буолан кэллэ. Классик айымньыта оҕо олох кыра сааһыттан хараҕын далыгар киирэрэ — салгыы улаатан иһэн бу айымньы ааҕылларыгар көмөлөөх ыллык буолуо этэ. Кинигэни сотору кэминэн оҕо библиотекатыгар ааҕыаххыт.