Количество просмотров 481
1 Звезда2 Звезды3 Звезды4 Звезды5 Звезд (1 оценок, среднее: 5,00 из 5)
Загрузка...

Дмитрий Кононович Сивцев — Суорун Омоллоон төрөөбүтэ 115 сылынан айар үлэ балаһыанньата

Автор: | 30 августа, 2021

Саха норуодунай суруйааччыта,

Социалистическай Үлэ Геройа

 Дмитрий Кононович Сивцев — Суорун Омоллоон  төрөөбүтэ 115 сылынан

 “Төрөөбүт айылҕаны харыстыыр хорсун быһыыны эрэйэр дуо?”

Кэтэхтэн, суругунан айар үлэ балаһыанньата

 

Тэрийэн ыытар: Тааттатааҕы «Туллукчаан» оҕо библиотеката

Ыытыллар кэмэ: балаҕан ыйын 1 -30 күннэрэ

Куонкурус соруга:

а)  Суорун Омоллоон  “Уот уонна уолчаан” кэпсээнин  оҕолорго аахтарыы.

б) “Уот уонна уолчаан” кэпсээни уонна бу сайын турбут  тыа баһаарын, тыҥааһыннаах быһыыны- майгыны, уоту кытта охсуһууну тэҥнии тутан ааҕааччы хараҕынан ырытыы.

в) Төрөөбүт айылҕабыт уокка былдьаныытын биричиинэлэрин туһунан толкуйдатыы

г) Айылҕа норуот баайа, олоҕун уйгута буоларын өйдөтүү

д)“Норуот күүһэ- көмүөл күүһэ” диэн өс хоһооно тоҕоостооҕун дакаастааһын.

Сыала: куонкурус түмүгүнэн бастыҥ үлэлэртэн  “Суорун Омоллоон – эколог суруйааччы” диэн электроннай кинигэ библиотека сайтыгар киириэҕэ.

Кытталлар:  3-4, 5-6  кылаас оҕолоро.

Ирдэбилэ:

  • Оҕо аата, араспаанньата, олорор сирэ,оскуолата, кылааһа, салайааччыта толору суруллар
  • Ырытыы кээмэйэ хааччаҕа суох.
  • Үлэни уруһуйунан, хаартысканан иллюстрациялааһын биһирэнэр.

Уруһуй туспа альбом  лииһигэр уруһуйданар(үлэ суруллубут лииһигэр буолбатах).

Уруһуй, хаартыска ким ыыппыта биллэр гына суруллуохтаах. Хаартыскаҕа ким, туох ханна, хаһан түһэриллибитэ чуолкайдык ыйыллар.

  • Кыттыы босхо, кэтэхтэн.

Үлэлэри тутуу: Экология диэн бэлиэтээн   detbibltullukchaan@yandex.ru  электроннай почтаҕа ыытаҕыт.  Балаҕан ыйын 30 күнэ — үлэлэри ылар бүтэһик күн.

Наҕараадалааһын: Кыттааччы үлэтэ кэллэҕинэ республиканскай куонкуруска кыттыбытын туоһулуур сертификат ыытыллар. Кыайыылаахтарга грамоталар түмүк таҕыстаҕына ыытыллаллар.

Түмүк тахсар:  алтынньы 4 күнүгэр.

P.S Суорун Омоллоон  “Уот уонна уолчаан”  кэпсээнин https://tullukchaan.ru/электронные-книги/ ссылканан киирэн “Кыраларга” кинигэттэн булан ааҕыахха сөп.

 

 

 

 

 

 

 

 

 

 

 

 

 

 

 

 

 

Добавить комментарий

Ваш адрес email не будет опубликован.