Үлэ — сынньалаҥ лааҕыра

Үлэ- сынньалаҥ лааҕыра – оҕо саас умнуллубат өйдөбүлэ. ХХ үйэ оҕото, эн биһиги сылдьыбыт, үлэлээбит үлэ- сынньалаҥ лааҕырбыт курдук лааҕырдар билигин сүттүлэр. Оччолорго от, оҕуруот, ыанньыксыттар лааҕырдара совхозтар былааннарыттан түһэриллибит сыаллаах- соруктаах буолаллара. Үлэ —  оонньуу- көр буолбатах этэ. Ол оннугар охсуулаах үлэ күнүн- көрдөөх оонньуу, үҥкүү түмүктүүр буолара.Ити лааҕырдар биһиги көлүөнэбитин үлэһит, мындыр, ыарахаттартан иҥнэн- толлон турбат буоларга үөрэппиттэрэ. Доҕотторго эрэллээх, кыраҕа- кыаммакка көмөлөһөр наадатын өйдөппүттэрэ.   “Мин ХХ үйэ оҕотобун” бырайыак үлэ лааҕырдарын туһунан ахтыылары хомуйан үйэтитэр санаалаах.

Күндү ХХ үйэ оҕото, үлэһит оҕо сааһын туһунан ахтан- санаан  киэҥник суруйаргын күүтэбит. Ахтыы кээмэйэ хааччаҕа суох.

Ахтыылар  электроннай  Оҕо саас  летопиһыгар киириэхтэрэ.

Ахтыыны тута суруйар судургута суох буолааччы. Онон биһиги шпаргалкабытын туһаныахха сөп. Хайаан да шпаргалка ыйытыытыгар барытыгар хоруйдуохтааххын диэн буолбатах.

ШПАРГАЛКА

— хас сыллаахха төрөөбүккүнүй,  ханнык оскуолаҕа үөрэммиккиний, бииргэ төрөөбүт хаһыаҕытый (бу хайаан да суруллар даннайдар)

— сайыҥҥы лааҕырдарга хаһыс кылаастарга сылдьыбыккыный?

— лааҕырга тугу үлэлиир этигитий?

— үлэҕэ туох ыарахаттар баалларай?

-иллэҥ кэмҥэ тугу гынар этигитий?

— күннээҕи олоххутун ким, хайдах салайар этэй?

— баспытааталлартан кистээн тугу гынар этигитий?

-лааҕырга сылдьаргын сөбүлүүр этиҥ дуо?

-туох көрдөөх, кутталлаах түгэни өйдөөн хаалбыккыный?

-үлэлээн  ылбыт хамнаскын хайдах, туохха туттубуккунуй?

 Күндү ХХI үйэ оҕолоро, эһиги бэйэҕит төрөппүттэргит, аҕа саастаах аймахтаргыт ахтыыларын суруйан эмиэ летопись суруллуутугар кыттыһыаххытын сөп.

Ахтыылары ватсабынан 89841012269,  Эл.почта detbibltullukchaan@yandex.ru

от ыйын 1 күнүттэн атырдьах ыйын 30 күнүгэр дылы ылабыт

  “Мин ХХ үйэ оҕотобун” бырайыак туһунан: “Туллукчаан” оҕо библиотеката оҕо саас туһунан ахтыылары хомуйан биир электроннай кинигэҕэ – летописька түмэр. Матырыйаалы төрөөбүт сылларынан угабыт. Төһөнөн элбэх ахтыы киирэр да оччонон саха оҕотун олоҕо көстөн кэлиэхтээх. Дойду олоҕо хайдах салаллар да оҕо олоҕун ис хоһооно уларыйара ойууланыахтаах.

Биһиги сайтпытыгар ЛЕТОПИСЬ ДЕТСТВА киирэн көрүөххэ, ааҕыахха сөп.