Бүтүн Россиятааҕы библиотекалар күннэрин көрсө
Саха норуодунай суруйааччыта, Социалистическай Үлэ Геройа Суорун Омоллоон төрөөбүтэ 115 сылынан суругунан викторина
Викторинаҕа 2-6 кылаас оҕолоро кытталлар. Хайаан да кыттааччы аата, араспаанньата, кылааһа, оскуолата суруллар. Үлэни ыам ыйын 26 күнүгэр дылы электроннай почтаҕа “Суорун Омоллоон” диэн бэлиэлээх ылабыт: detbibltullukchaan@yandex.ru
Ханнык кэпсээнтэн быһа тардыыный?
- “Уол ыксаата, тугу да гыныан булбата, “абырааҥ!” – диэн хаһыытыы- хаһыытыы, эккирии турда”.
- “Онтон туран оҕолор, куттанан, таҥныбакка да, улахан дьоҥҥо тыллыы, дьиэлэригэр сүүрбүттэр”.
- “Ол быыһыгар өйдөөн иһиттэххэ, хатыҥ чараҥ диэки туох эрэ сир ньиргийэринэн тыас дуу, саҥа дуу эмиэ баара”.
- “Кини, мэктиэтигэр, тиэрэ таралыйа түстэ. Онтон ойон туран туох баарынан ойуур диэки ойдо”.
- “Сэрэйэн сирэйин хоту баран испитэ. Баран испитэ да тыа бүппэтэҕэ”.
- “ Икки хонноҕун анныттан иҥнэн хаалбыт уонна, аҥар илиитинэн далбаатыы-далбаатыы, аатын эрэ хаһыытаабыта буолар”.
- “Кырдьыгынан даҕаны дьүһүннүүн- бодолуун, сыттыын- сымардыын үчүгэйэ олус этэ”.
- “Кинилэргэ эбиэт кэллэ: миин истилэр, эт сиэтилэр. Онтон чэй аҕаллылар”.
- “…сотору буланнар, туох да буолбатах. Хата, куттаныыны баҕас улаханнык куттаммыт”.
- «Көрбүтэ, аттаах киһи салаа суолтан киирэн тыа иһигэр киирэр суол устун бара турда. Киһи табах тарта быһыылаах».
Билэҕин дуо?
- Коля балта тоҕо эргэ ампаар умуһаҕар түспүтэй?
- Киһиргэс Байбааскы моҕотойу хайдах тутаары гыммытай?
- “Чапаайдыы атаака” кэпсээҥҥэ оҕолор туохха түбэспиттэрэй?
- Эһэни ким, хайдах куттаабытай?
- Муся, Юра ханнык кэпсээн геройдарай?
- Буурҕаҕа түбэспит Биичэни хайдах булбуттарай?
- Клим ууга түспүтүн ким быыһаабытай?
- “- Ким үлэлиир, ол минньигэһи да сиир!” — бу ким этэрий?
- Доҕордуулар Стасик уонна Толя чараас мууска хайдах албаһыран Ньукуучаны быыһаабыттарай?
- “Куртуйахтар” кэпсээҥҥэ дьыл ханнык кэмэ ойууланарый?
Айар түһүмэх
Суорун Омоллоон ханнык баҕарар кэпсээнин биир геройугар сурук суруйуу.
Ирдэбил: сурук суруллуутун быраабылаларын тутуһан суруллуохтаах
Быһаарыы:
- наличие определенной композиции
- начало, содержащее уважительное обращение
- головная часть, в которой раскрывается содержание письма
- концовка, где суммируется написанное
- иногда постскриптум(лат. Р.S. — приписка к законченному письму после подписи)(Википедия)
Суорун Омоллоон «Кыраларга» кинигэтин биһиги сайтпыт «Электронные книги» рубрикатыгар киирэн көрүөххүтүн сөп.
Кыттааччыларга электроннай сертификат үлэ киирээтин ыытыллар, кыайыылаахтар электроннай дипломнарынан наҕараадаланыахтара.