Количество просмотров 21
1 Звезда2 Звезды3 Звезды4 Звезды5 Звезд (Пока оценок нет)
Загрузка...

Бииргэ ааҕар үчүгэй

Автор: | 5 апреля, 2021

Муус устар 2 күнүгэр “Бииргэ ааҕар үчүгэй” кулууп оҕолоро төрөппүттэрин кытта библиотекаҕа “Ааҕыы күнүгэр” кэлэ сырыттылар. Дойду үрдүнэн биллэриллибит биир сыллаах хаайтарыы кэнниттэн бастакытын мустууга оҕолор кинигэлэрин туттардылар, уларыстылар. Дьэ онтон биэс бөлөххө арахсаннар төрөппүттэрэ  Суорун Омоллоон кэпсээнин дорҕоонноохтук ааҕарын иһиттилэр. Истибит кэпсээннэрин ырытан “Пирамида” оҥордулар уонна кэпсээн геройдара тоҕо кутталлаах балаһыанньаҕа түбэспиттэрин, манныкка түбэстэххэ тугу гыныахтаахтарын  туһунан кэпсииргэ бэлэмнэннилэр. Тапталлаах суруйааччыбыт Суорун Омоллоон “Уот уонна уолчаан”, “Пионерка”, “Буурҕаҕа”, “Сымыйалыаҥ- бэйэҕэр куһаҕаны оҥостуоҥ”, “Доҕордуулар” – кэпсээннэрэ оҕолору ууттан, уоттан, саҥа тоҥмут мууска сэрэхтээх буоларга үөрэтэллэр, доҕордуу буолар үчүгэйин кэпсииллэр эбит. Бастакы кылаастан “Бииргэ ааҕар үчүгэй” кулуупка сылдьар оҕолор төһө да хаайтарыы кэмигэр элбэх бириэмэни сүтэрдэллэр айымньы тиэкиһин кытта айымньылаахтык үлэлииллэрэ көһүннэ: сүрүнүн арааран ылан суруннулар, доҕотторун иннигэр тахсан өйдөтөрдүү кэпсээтилэр.  Ырытыыны истэн баран истээччилэр ыйытыылары биэрдилэр, хоруйдары ыллылар. 3-с кылаас үөрэнээччитэ кэпсээн сүнньүнэн, тиэмэҕэ сөп түбэһэр ыйытыыны толкуйдаан биэрэрэ ааҕыы биир үрдүк таһымыгар тахсыбытын туоһулуур. Бу сырыыга оҕолорун ааҕыытын өйөөн төрөппүттэр хамаандаҕа “ааҕааччы” оруолун толордулар, ырытар кэмҥэ салайааччы буоллулар. Оҕо бэйэтэ ааҕааччы буолан кэлбэт, хайаан да улахан киһи кыһамньылаах салайыыта, өйөбүлэ баар буоллаҕына кинигэни доҕор оҥостор суолга сиэтиллэн киирэр.  Төрөппүттэр : “Үлэ формата улрыйа турара наһаа кэрэхсэбиллээх”, “Бэрт тэрээһин буолла. Оҕолорбут улааппыттар, үчүгэйдик кэпсиир, санааларын этэр буолбуттар” – диэн санааларын үллэһиннилэр. Айымньылаах үлэ кэнниттэн оҕолор үөрэ- көтө сахалыы оонньуурдарынан дуоһуйа оонньоон, кэпсэтэн- ипсэтэн тарҕастылар.

 

Добавить комментарий

Ваш адрес email не будет опубликован.