Загрузка...
Ф.С.Аргунов аатынан оҕо искусствотын оскуолатын уруһуй кылааһын үөрэнээччитэ Лия Маркова үлэлэрин быыстапката кулун тутар 23 күнүгэр аһылынна. Лия Алампа аатынан оскуола 7 -с кылааһыгар үөрэнэр. Быыстапкаҕа Лия акварелынан уруһуйдара, айылҕаны түһэрбит хаартыскалара, оҕуруонан оҥоһуктара, тигии сыттыктара турдулар. Дьаныардаах, саҕалаабыт үлэтин тиһэҕэр тиэрдэн тэйэр үлэһит кыыс быыстапкатын улаханыттан кыратыгар тиийэ сэҥээрэн көрөллөр, сөҕөллөр. Учуутала С.К.Билюкина этэринэн аҥардас ааспыт 2020 сылга Лия сүүрбэттэн тахса араас таһымнаах куонкурустарга кыттыбыт, онтон 17-тигэр миэстэлэспит эбит. Кыыс бу дьарыгын төрөппүттэрэ Прокопий Николаевич, Элеонора Васильевна өйүүр, өйдүүр буоланнар оҕо сайдар, саҥаттан- саҥаны баһылыыр эбит. Көрүөн баҕалаах элбэҕинэн быыстапка үлэлиир болдьоҕо уһаата.
