Олунньу 12 күнүгэр Саха Өрөспүүбүлүкэтин Национальнай библиотеката, Оҕо ааҕыытын киинэ төрөөбүт тыл уонна сурук-бичик күнүгэр анаан ыыппыт «Таптыыр сахам тылынан…» өрөспүүбүлүкэтэҕи акциятыгар Таатта улууһуттан 403 оҕо кытынна.
Алын сүһүөх 3-4 кылааһын, орто сүһүөх 5-6, 7-8 кылаастарын үөрэнээччилэрэ 3 бөлөҕүнэн 9 ыйытыкка эппиэттээтилэр, бүтэһик сорудахтарыгар бэриллибит тиэмэ ис хоһоонун, суолтатын арыйан суруйдулар.
Сөптөөх эппиэттэри биэрэн Таатта улууһугар кыайыылаахтарынан буоллулар:
3-4 кылаастарга — Дедюкин Сережа, Э.К. Пекарскай аатынан Игидэй орто оскуолатын 4 кылааһын үөрэнээччитэ;
5-6 кылаастарга — Егорова Камилла, И.Н. Гуляев аатынан Туора-Күөл орто оскуолатын 6 кылааһын үөрэнээччитэ;
7-8 кылаастарга — Данилова Ангелина, В.И. Ленин аатынан Уолба орто оскуолатын 7 кылааһын үөрэнээччитэ.