1 Звезда2 Звезды3 Звезды4 Звезды5 Звезд (Пока оценок нет)
Загрузка...
268 просмотров

Амма Аччыгыйа — месячник түмүгэ

Автор: | 3 февраля, 2021

Саха Республикатын народнай суруйааччыта Николай Егорович Мординов- Амма Аччыгыйа 1906с. Тохсунньу 6 күнүгэр Таатта улууһугар төрөөбүтэ. Бастакы  «Ийэ» хоһоон 1927 с. «Чолбон» сурунаалга бэчээттэммитэ. Суруйааччы дьо5ура ордук проза жанрыгар тобуллубута.  Саха норуотун оло5о тосту уларыйар кэрдиис кэмин киэҥник, дириҥник хабан көрдөрөр «Сааскы кэм» курдук аатырбыт роман ааптара. Бу айымньы сахалыы, нууччалыы уончалыыта тахсыбытын таһынан, украинскай,венгерскэй, чех тылларыгар тылбаастаммыта. Саха Республикатын искусствотын үтүөлээх деятелэ. Икки Үлэ Кыһыл Знамята, Норуоттар до5ордоһуулара, икки «Бочуот Знага» уордьаннарынан,мэтээллэринэн на5араадаламмыта. 1934 с. ССРС Суруйааччыларын союһун чилиэнэ. 1994 с. Сэтинньи 11 кунугэр ыалдьан күн сириттэн күрэммитэ.

«Туллукчаан» оҕо библиотеката тохсунньуга былааннаах үлэни ыытта. Суруйааччы олоҕун, айар үлэтин сырдатар слайд оҥоһуллан сайт нөҥүө республикаҕа тарҕанна. Сэттэ кылааска  уруоктар бардылар (136 оҕо+7 учуутал). Инстаграм страницабытыгар 7 пост ыйаатыбыт. Үс төгүл Быһа эфир ыыттыбыт. 1. «Сааскы кэм» киинэҕэ кыра Микиитэ оруолугар оонньообут Алеша Петровы кытта көрсүһүү- 65 көрөөччү.  2. «Сааскы кэм» ромаҥҥа «Тыы» түгэҥҥэ 5-6 саастаах оҕо сайдыытын, буруй оҥорбут оҕоҕо хайдах сыһыаннаһыахха сөбүн туһунан психолог Дьяконова О.С. кытта сэһэргэһии- 78 киһи. 3. Лэглээрдэр аҕалара Дьөгүөрдээн айанныыр Охотскай тракт туһунан кэпсээн- 43 көрөөччү.

«Бииргэ ааҕар үчүгэй» кулууп оҕолоро суруйааччы «Тоҕус төгүл тоҕо» кэпсээннэринэн устубут киинэлэрин сайтка уган көрдөрдүбүт.

Бу кэпсээннэринэн айар викторина 3 -7 кылаастарга биллэриллибитигэр 7 улуустан уонна Дьокуускай куораттан барыта 97 оҕо кытынна. 34 оҕо бириистээх миэстэлэргэ тигистэ.

Сыл саҥа саҕаланна. Оҕо аймах таптыыр суруйааччыта Амма Ачыгыйа айымньыларынан үлэ ыам ыйыгар былааннаахтык салҕаныа.

Добавить комментарий

Ваш адрес email не будет опубликован. Обязательные поля помечены *