1 Звезда2 Звезды3 Звезды4 Звезды5 Звезд (Пока оценок нет)
Загрузка...
209 просмотров

Тарабукин В.А.

Автор: | 11 декабря, 2019

Оҕо суруйаачыта, прозаик, тылбаасчыт, Россия суруйааччыларын уонна суруналыыстарын Союзтарын чилиэнэ, СР культуратын үтүөлээх үлэһитэ, Таатта уонна Муома улуустарын бочуоттаах олохтооҕо Василий Архипович Тарабукин төрөөбүтэ 85 сылыгар анаммыт тэрээһин ахсынньы 11 күнүгэр буолан ааста.

Суруйааччы төрөөбүт дойдутун Уус Таатта оскуолатын саха тылын уонна литературатын учуутала Николаева А.П.  уонна оскуола библиотекарь- педагога Р.А. Готовцева көҕүлээһиннэринэн «Туллукчаан» оҕо библиотекатыгар далааһыннахтык тэрилиннэ. Тарабукин В.А. үөрэммит Уолба, Ытык Күөл үс оскуолаларыттан оҕолор кэлэн суруйааччылары кытта көрүстүлэр. Атах тэпсэн олорон сонурҕуур ыйытыыларыгар хоруй ыллылар. Суруйааччы кыыһа Марфа Васильевна библиотекаҕа аҕатын туһунан саҥа тахсыбыт кинигэни уонна аҕатыныын бииргэ үлэлээн таһаартарбыт «Русско- якутский тематический словарь» бэлэхтээтэ. У.Н.Постникова 2000 сыллаахха Уус Тааттаҕа Василий Архиповичтыын кэпсэппитин устубут видеоматырыйаалы кыыһыгар Марфа Васильевнаҕа бэлэхтээн долгутуулаах түгэн буолла.

  

Уус Таатта, Уолба оскуолатын үөрэнээччилэрэ суруйааччы айымньыларыттан оонньоон көрдөрдүлэр, хоһооннорун аахтылар, айымньыларын ырыттылар. «Тиргэлээх көҕөн» кэпсээнинэн оонньууга кыттан бириистэргэ тигистилэр. Уус Тааттаҕа сэбиэскэй кэмҥэ аатыран үлэлии сылдьыбыт Муонда үлэ- сынньалаҥ лааҕырын туһунан «Үүнүүлээх ходуһаҕа» сэһэни илиилэригэр тутан туран урукку оҕолор ахтыылара сонун буолла. Уолба оскуолатын учуутала Боппосова З.П. суруйааччы Тарабукин айымньыларыгар оҕо сааһа ааспыт Уолбатын  ахтыбыт, суруйбут түгэннэрин булан кэпсээбитэ кэрэхсэннэ.

   

Үтүө ыалдьыттарбыт Ойуунускай аатынан бириэмийэ лауреата Н.Е.Винокуров- Урсун, «Чолбон» сурунаал эрэдээктэрэ Макеев Д.Н., Саха сирин суруйааччыларын Сойууһун бырабылыанньатын бэрэссэдээтэлин солбуйааччы Андросов Г.Г. Василий Архипович туһунан оҕолорго кэпсээтилэр.

 

Добавить комментарий

Ваш адрес email не будет опубликован. Обязательные поля помечены *