1 Звезда2 Звезды3 Звезды4 Звезды5 Звезд (Пока оценок нет)
Загрузка...
150 просмотров

Ыстапаан дьылҕата хатыланар дуо?

Автор: | 18 ноября, 2018

Алампа аатынан оскуолаҕа суруйааччы «Куораччыт» кэпсээнигэр олоҕуран сүүйсүүлээх оонньууларга ылларыы туһунан кэпсэтиигэ  5-с кылаастан саҕалаан 8-ка дылы ким баҕалааҕынан кэллилэр. Билиҥҥи кэмҥэ оҕо ордук интернетинэн онлайн- оонньууларга ылларан, дьиҥнээх олохтон тэйэн, илэ — оонньуу диэни араарбат балаһыанньаҕа киирэрин туһунан санаа атастаһыыта таҕыста. Оҕуһунан куоракка тиийэн хаартылаан сүүйтэрэр Ыстапаан дьиэ кэргэнин кыһалҕата билигин да баар диэнтэн саҕаланна. Якт.ру форумтан ыксаабыт ийэ көмө көрдөөн суруйбут суругар сүбэ -саргы була сатаан оҕолор бастарын сыстылар. Бэйэ- бэйэлэрин тулуйан истэн кэпсэттилэр.

   

Дьүүллэһии иннинэ Алампа  кэпсээнин ааҕан баран оҕолор кэпсээн персонажтарыгар сурук суруйбуттара. Дьүүллэһии кэмигэр бу суруктартан сүбэлэр эмиэ ааҕылыннылар.

Улуу Алампа *Арыгы адьарай — акаарыларга ас* диэбитин быһаарыстыбыт. Бу «акаары»  диэн кини олох тугу да өйдөөбөт далайы, ааргыны этэр буолбатах. Кини киһи эдэр, оҕо сылдьан уһуну- киэҥи толкуйдаабакка доҕотторугар киһиргээн, эбэтэр кинилэртэн хаалсымаары саҕалаан баран иэдээҥҥэ  түбэһиэн уонна өрүттүмүөн сөбүн этэр, сэрэтэр диэтибит. Олоххо куһаҕаҥҥа да угуйааччы, үчүгэйи да баҕарааччы баар буолар. Куһаҕан дьаллыгынан киһиргээн киһи ырааппатын өйдөөн  олох саҕалаабат ордук диэн санаа этилиннэ.

 

Добавить комментарий

Ваш адрес email не будет опубликован. Обязательные поля помечены *