Количество просмотров 324
1 Звезда2 Звезды3 Звезды4 Звезды5 Звезд (Пока оценок нет)
Загрузка...

Ойуунускай “Өрүөл кэриэһэ” хоһоонун аахтылар

Автор: | 22 мая, 2018

Олунньу 13 күнүгэр Таатта оскуолаларын үөрэнээччилэрэ, тэрилтэлэр, түмсүүлэр Былатыан Ойуунускай  “Өрүөл кэриэһэ” хоһоонун күргүөмнээхтик аахтылар.

95 сыл анараа өттүгэр : 1923с. олунньу 13 күнүгэр генерал Анатолий Пепеляев хамандыырдаах үрүҥнэр Саһыл Сыһыыга Иван Строд этэрээтин хаайбыттара. Үс нэдиэлэ барбыт кыргыһыы түмүгэр кыһыллар 282 байыастан 63-һү сүтэрбиттэрэ, 96 киһи бааһырбыта. Үрүҥнэртэн сүүстэн тахса киһи өлбүтэ уонна бааһырбыта биллэр. Кулун тутар 2 күнүгэр Байкалов хамандыырдаах Дьокуускай гарнизона бүтүннүү кэлэн Амманы үрүҥнэртэн босхолообута. Саһыл Сыһыы төгүрүктээһинэ түмүктэммитэ. «Өрүөл кэриэһэ» хоһоон Сергей Юльевич Широких – Полянскай диэн кыһыл комиссарга анаммыта биллэр.

Төлөннөөх революционер Платон Ойуунускай кыһыл армия саллааттарын хорсун быһыыларын, модун санааларын хоһуйан хаалларбыта. “Өрүөл кэриэһэ”, “Харачаас”, “Мин бэркэ ытабын” хоһооннор айыллыбыт историяларын, прототиптарын туһунан сырдатар уруоктар Ытык Күөл бастакы уонна иккис нүөмэрдээх оскуолаларыгар орто сүһүөх кылаастары барыларын хабан ыытылыннылар.

Ытык күөл Алампа аатынан оскуолатын үөрэнээччилэрэ уонна учууталлара кыһыл былаахтаах киирэн “өлөртөн куттаммат өрүөллэр” тустарынан уоттаах- төлөннөөх тыллары  ааҕан доргуттулар.

Бүлүү улууһун Тыымпытыгар библиотекарь Егорова А.М. дьарыктыыр куруһуогун оҕолоро Ойуунускай хоһоонун ааҕан күргүөмнээх ааҕыы акцияҕа кытыннылар.

“Туллукчаан” оҕо библиотеката “Сахам сирин историята П.А.Ойуунускай айымньыларыгар” диэн бырайыагын чэрчитинэн ыытыллыбыт бу акцияҕа кыттыһан күргүөмнээх ааҕыылары тэрийэн ыыппыт библиотекардарга, учууталларга, иитээччилэргэ  махталын биллэрэр.

Добавить комментарий

Ваш адрес email не будет опубликован.