1 Звезда2 Звезды3 Звезды4 Звезды5 Звезд (1 оценок, среднее: 5,00 из 5)
Загрузка...
333 просмотров

1978

Күн күбэй ийэм

Ийэм Лидия Егоровна Тимирдяева 1950 сыллаахха төрөөбүтэ. Бииргэ төрөөбүт 8 оҕо. Кыра эрдэҕиттэн үлэҕэ мускулла, кыра балтыларын, бырааттарын көрө улааппыта. Ыал буолан баран Ленскэй улууһуттан Тааттаҕа олохсуйа кэлбиттэрэ.
Мин өйдүөхпүттэн ийэм сарсыарда эрдэ туран хотонун көрөн, аһын астаан, үлэлээн бириэмэтин барытын аттарынара. Ол быыһыгар иистэнэн оҕолорун таҥыннара. Оҕолор оччолортон хотуобай атыылаһыы таҥаһы аҕыйахта кэппиппит.
Дьахтар кыайбат үлэтин эмиэ оҥорор. Ол курдук соҕотоҕун 6*6 олорор дьиэтин бэйэтэ туттан киирбитэ. Ону чугас эҥэр олорор дьон уһана сылдьарын көрөн олус соһуйаллара. Сөҕө көрөллөрө. Ийэм олус күүстээх санаалаах, кининэн киэҥ туттабын, холобур оҥостобун. Ийэлэр күннэринэн итиитик- истиҥник эҕэрдэлиибин! 😘

 

Победаҕа — лааҕырга

М. Товарова
8-ка Победаҕа лааҕырга сылдьыбытым. Теплицаҕа үлэлиибит. ЛТО. Уу кутабыт. Оҕурсуу, помидор үүннэрэбит. Барыта Ытык Күөл оҕолоробут. 1978 сыллаахтар барбыппыт. Воспитательларбыт Саргылана Валентиновна, Тарабукин Андрей уонна биир ким эрэ. Үһүөлэр этэ.
Победа оҕолоро киэһэ кэлэн оонньууллар этэ, наар уолаттар, кыргыттар кэлбэттэр этэ. Футболлуубут. Киэһэ аайы дискотека. Ол Победа уолаттара улахан баҕайы оҕуһу миинэн кэлэллэр. Биир оҕуска 3-һүө буолан иһэр буолаллар. Биһиги соһуйуу бөҕө. Хаһан да оннугу көрбөтөх буоллахпыт дии.
Наһаа үчүгэйдик аһаталлар. Сөтүөлээ да сөтүөлээ. День Нептуна наһаа үчүгэй буолбута.
Уолаттар биир баракка олороллор, кыргыттар биир өттүгэр. Чап- чараас ДВП быыстаах. Истиэнэбит үөһэ өттө аһаҕас. Дьэ онон резинканан ытыалаһабыт, кумааҕыны эрийэн баран, түүннэри.
Лааҕырбыт Победаттан чугас. Саах хомуйа барабыт. Удобрениеҕа, теплицаҕа диэн. Дэриэбинэ устун биэдэрэлээх хаамсыы, буолнай сааҕы хомуйар этибит. Сарсыарда 7- тэн зарядка. Наһаа улаханнык үлэлэппэттэр. Ол уу эрэ кутабыт, күҥҥэ биирдэ. Наар оонньуу.
Победа лааҕыра наһаа үчүгэй этэ. Воспитательларбыт наһаа эдэрдэр, олох табаарыстарбыт курдук этилэр.
Атын сайыннарга эмиэ үлэ баар. Юннатскай станцияҕа хаста да үлэлээбитим. Приусадебнай учаастакка 2-й школаҕа икки сайын үлэлээбитим. 9-с кылааска күһүн, Харбалаахха хортуоска хостообуппут. Практика. Харбалаах уолаттара кэлэллэр. Дьэ эмиэ күн аайы дискотека.

Добавить комментарий

Ваш адрес email не будет опубликован. Обязательные поля помечены *