Загрузка...ҺӨҔҮҤ хамсааһын
“Саха сирин култуурата” айар холбоһук уонна СӨ Национальнай бибилэтиэкэтин саха тылын ыччакка сонун ньыманан тарҕатыыга туһуламмыт “ҺӨҔҮҤ” бырайыагы саҕалаабыта.
Сахалыы буукубалар Һ, ө, ҕ, ү, ҥ билиҥҥи социальнай ситимнэргэ олорор кэммитигэр күннээҕи сурукка-бичиккэ нууччалыы буукубаларынан солбуллан, туттуллубат буолан эрэллэрэ дьиксиниини үөскэтэр. Төрөөбүт тылбыт сүтэригэр өссө биир ытаһа буолар.
Ол иһин сахалыы сурук-бичик уратытын, кэрэтин көрдөрөр, болҕомтону тардар сыаллаах Тааттатааҕы “Туллукчаан” оҕо библиотекатын “Һөҕүҥ” социальнай бырайыагар кыттыс.
Олунньу 13 күнүгэр диэри таабырынна таай. Сөпкө таайдаххына биэстии таайбыт тылгын кроссворд курдук сааһылаатаххына ҺӨҔҮҤ диэн тыл тахсыаҕа. Билэр дьоҥҥор тарҕат. ҺӨҔҮҤ хамсааһыны тэнит. Түмүк олунньу 16 күнүгэр тахсыаҕа. Электроннай грамоталар ыытыллыахтара. Кыттыы иһин туоһу суругу бэйэҕит сигэнэн киирэн ылаҕыт.