Количество просмотров 123
1 Звезда2 Звезды3 Звезды4 Звезды5 Звезд (Пока оценок нет)
Загрузка...

1955

Чехарда…Шахта…Рыболовы

Александра Г.
Таҥаспытын ийэбит тигэр. Барыта кружева,быысапка буолар. Ырбаахым аллараа өттүнэн куруһубалыыр. Туох эрэ чараас таҥаска тигэн куруһуба оҥорор. Уол ырбаахыта косоворотка эмиэ быысапкалаах. Наһаа мааныланан олорбуппут. Ыстааннаах сибиитэрэлээх трикотаж индийскэй көстүүмнээх этибит. “Чуораанчык” детсадка сылдьыбытым. Тистяхова Аграфена баспытааталбыт. Никифорова Акулина сэбиэдиссэй. Сайын таһырдьа утуйар этибит. Кырачаан, оппуохалаах туалекка сылдьабыт. Арааһа “Чуораанчык” бастакы выпустарабыт быһыылаах.
Киһи дьылҕатын, идэтин эрдэ оонньоон билэр эбит. Наар атыыһыт буола оонньуур этим. Таһырдьа оонньуубут. Баҕа батаһа биһиэхэ оҕурсу, долохуна- дьаабылыка, бадараан бэрэскилээхпит. Эмиэ да остолобуойдаах оонньуубут. Менюлаахпыт иҥин. Бадараанынан ас арааһын таһаарабыт. Баҕа батаһын бытарытан рис диибит. Харчыбытын бэйэбит оҥоробут, кумааҕынан. Кумааҕынан икки отсектаах кумураанньык оҥостобут, дьэ онно буолнай харчылаахпыт. Ыаллаах оонньоотохпутуна наар мааны ыал буола оонньуубут. Ол аата хаһан да дьиэн ыһыллыбат.Барыта куруһуба дьиэ буолар.
Оскуолаҕа перемена кэмигэр чехардалыыбыт. Элбэх буолан синньигэс биилгиттэн куустуһан төҥкөйөн тураҕын, паровоз курдук. Онно сүүрэн кэлэн үрдүбүтүгэр олоро түһэллэр.
9-с кылааска киирэрбитигэр күһүн Уус Тааттаҕа хортуоскаҕа барбыппыт. Үс кылаас этибит. Оччолорго Уолбаттан, Победаттан, 1-кы оскуолаттан, восьмилеткаттан 9-с кылааска мустаҕын. Саҥа билсиһии- көрсүһүү. Дьэ онно үчүгэй этэ. Жирков дьиэтин үрдүгэр даҥ куппуппут. Киэһэ хортуоска буһараллар дьуһуурунайдар. Киэһэ аайы шахталыыбыт, музыкабыт суох. Сөбүлүүр уолун кэлэн ылар игин… Рыболовы эмиэ оннук оонньуу.

Добавить комментарий

Ваш адрес email не будет опубликован.