Количество просмотров 106
1 Звезда2 Звезды3 Звезды4 Звезды5 Звезд (Пока оценок нет)
Загрузка...

1932

Макарова Розалия Петровна

Сэрии саҕаланыыта  үһүс кылааска үөрэнэр этим, 9 саастаахпын. Туох да ас – таҥас суох. Аһаабакка сылдьабыт. Оскуолаҕа күнүс итии аһылык биэрэллэр. Быыкаайык. Онтукабытын сиэрибит оскуолаҕа түргэнник барабыт. Хата мин куордаан бараммын ситэ үтүөрбэккэ эрэ ол килиэппин сиэри оскуолабар барбытым.

Аҕам МТС тырахтарыыһа. Боруонньалаан сэриигэ ыыппатахтара. Мэхээнньик этэ уонна. Эдьиийбинээн иккиэйэхпит. Эдьиийим ыарыһах этэ. Эрдэ баҕайы өлбүтэ. Эдьиийим колхуоска үлэлиир. Быыкаайык лэппээски биэрэллэр. Онтуттан өлүүлээн миэхэ аҕалар. Төһө сиэн баҕарара буолуой? Син биир аҕалар этэ. Дьэ ол лэппээскини сиэри эдьиийбин кэтэс да кэтэс… Эһэбит баар буолан тыыннаах ордубуппут биһиги. Аҕабыт бэйэтэ хоргуйа- хоргуйа сырыттаҕа. Соҕотох буолан наһаа  атаахтык иитиллибит эбит: тугу да билбэт. Бүгүн бу хонуктаах дуу суох дуу- билбэт. Хонор хоноһо кэриэтэ. Биһигиннээҕэр атаах. Эһэбит аһыттан өлүүлээн уолугар бэрсэр, аһатар. Көр онтон аҕабыт биһиэхэ бэрсибэт этэ. Бэйэтэ аһыыр, оҕолордоохпун диэн кыһаммат.

  • Бу кэриэтин армияҕа барбытын буоллар харчы ылыа этибит, – диибин.

Добавить комментарий

Ваш адрес email не будет опубликован.