1 Звезда2 Звезды3 Звезды4 Звезды5 Звезд (Пока оценок нет)
Загрузка...
78 просмотров

Сыахай

«Сыахай» кыра кыргыттар оонньуур оонньуурдара. Бэйэлэрэ, эдьиийдэрэ, дьүөгэлэрэ уруһуйдаан биэриэхтэрин сөп. Сыахай хаһан да оҕо буолбат. Улахан дьахтар: үлэһит: быраас, учуутал, бырадабыас;  муодунай: дьиэҕэ кэтэр, үлэҕэ кэтэр, маҕаһыыҥҥа, кулуупка барарыгар барытыгар тус- туспа таҥастаах буолар. Сэбиэскэй кэм кыыһа оскуолаҕа үөрэнэр кэмигэр биир оскуолаҕа кэтэр формалаах. Оччолорого маҕаһыыннарга «хотуобай» таҥас атыыланара ахсааннаах. Онон кыыс оҕо таҥнар баҕа санаата, үчүгэй идэ туһунан көрүүтэ барыта бу «сыахайдааһын» нөҥүө биллэр, иитиллэр, тахсар быһыылаах. Сыахай хайаан да ааттаах. Холобур, Нина Васильевна. Дьиэтин- уотун барытын кумааҕынан, открытканан ооньуур күҥҥэ ууһумсуйан оҥороллор. Дьиэ, билиҥҥинэн эттэххэ «интерьера», эмиэ оччотооҕу тыа ыалыгар суох маллаах- саллаах, киэргэллээх буолар. Эдьиийдэр улаатан баран сыахайдарын балыстарыгар биэрэр түбэлтэлэрэ элбэх.