Количество просмотров 247
1 Звезда2 Звезды3 Звезды4 Звезды5 Звезд (2 оценок, среднее: 1,50 из 5)
Загрузка...

Суорун Омоллоон “Чүөчээски”

Куһаҕан быһыылаах аҕа

Аҕа диэн дьиэ кэргэҥҥэ улахан эппиэтинэс. Оҕолорун, дьиэ кэргэнин аһатыан-таҥыннарыан наада. Суорун Омоллоон «Чүөчээски» диэн кэпсээнигэр аҕалара, Сылгыһыт Наһаар, оҕолорун аһатаары колхоз кулунун уоран өлөрөр. Ити ыарахан, куһаҕан суолу уола көрөн, аҕатын утары турар.  Өссө эбиитин уолун таһыйан, өсөһүннэрэн кэбиһэр. Уол дьиэтиттэн барар. Айымньы устатын тухары 13 саастаах Чүөчээски сатабылын көрө, бэйэбитигэр тэҥнии тута аахтыбыт. Ол курдук, кини куобахха туһахтыыр, туһахтыырга аҕата үөрэппитэ диэн суруллубат, 100 сыл аҕа доҕоро Намыын оҕонньор үөрэппитэ этиллэр. Туһахтыылларын таһынан сэһэннэрэ-сэппэннэрэ элбэх. Суруйааччы манан уруккуттан да аҕалаах уол бэйэ-бэйэлэригэр соччото суох сыһыан баарын көрдөрбүт буолуон сөп. Холобура, Наһаар уолун батыһыннара сылдьан үөрэппитэ, үлэнэн уолун  ииппитэ диэн этиллибитэ буоллар, бу ыарахан быһыы быстах санааттан оҥоһуллубут диэн өйдөнүө этэ. Төрөппүт уолун өлөрөргө сананара туохтааҕар даҕаны куһаҕан быһыы. Ама да сууттан куттаммытын иһин. Буруйун тута билинэн, уолун ааттаан киллэрбитэ буоллар, суох, кини итинник гыммат, уолун балыйарга сананар, өссө өлөрөргө сананар. Бу аата кини өй-санаа өттүнэн мөлтөҕүн көрдөрөр.

Мин улааттахпына, уолаттарбар эр киһи сатыырын иҥэрэ сатыам – уһанары; бултууру; дьиэ тутары; массыынаны, тракторы өрөмүөннүүрү.  Үйэбит өссө сайдыа, оҕолор Интернеттэн тэйбэт буолуохтара. Оннукка олорор оҕо үлэлээбэт, улэлээбэт буоллаҕына киһи буолбат. Эһэм куруук этэр: «Киһини киһи гыммыт үлэ буолар»,- диэн.

Роберт Голиков, Нам улууһун Е.М.Ларионов аатынан Салбаҥ орто оскуолатын 6 кылааһын үөрэнээччитэ